אור ברסלב

ספר יהודית

פרק ו

פרק ה

א וִיהִי כַּאֲשֶׁר כִּלָּה אַכְיוֹר לְדַבֵּר וַתִּבְעַר־בּוֹ חֲמַת כָּל־הַנִּצָּבִים מִסָּבִיב לָאֹהֶל:

ב וְשָׂרֵי נְבוּכַדְנֶצַּר וְרָאשֵׁי מוֹאָב וְיוֹשְׁבֵי הַיָּם בִּקְּשׁוּ לְשַׁלַּח יָדָם בּוֹ לַהֲמִיתוֹ וְיֹאמְרוּ:

ג הֲיָרֹא נִירָא לַעֲלוֹת אֶל בְּנֵי־יִשְׂרָאֵל וּלְהִלָּחֵם בָּם וְאִם יֵשׁ כֹּח וּגְבוּרָה בָּהֶם לַעֲרֹךְ מַעֲרָכָה לִקְרָאתֵנוּ:

ד לָכֵן עָלֹה נַעֲלֶה אֲלֵיהֶם אֲדוֹנִי הֹלוֹפֶרְנֵשׂ וְכֹל הָעָם יִהְיֶה לָנוּ לְשָׁלָל:

ה וַיְהִי כִּי שָׁקְטָה תְּלוּנַת כָּל־הַנִּצָּבִים וַיֹּאמֶר הֹלוֹפֶרְנֵשׂ רֹאשׁ צְבָא אַשּׁוּר לְעֵינֵי פְּקִידֵי מוֹאָב וּלְעֵינֵי כָל־בְּנֵי־נֵכָר לְאַכְיוֹר לֵאמֹר:

ו מִי אַתָּה אַכְיוֹר שְׂכִיר אֶפְרַיִם לְהִתְנַבֵּא לְעַם יְרוּשָׁלַיִם לֵאמֹר כִּי לֹא־נוּכַל לָהֶם וְכִי אֱלֹהֵיהֶם נִלְחָם לָמוֹ הֲיֵשׁ אֱלוֹהַּ בִּלְתִּי נְבוּכַדְנֶצַּר:

ז הוּא יִשְׁלַח אֶת־חֵילוֹ עֲלֵיהֶם וְיַשְׁמִידֵם מֵעַל־פְּנֵי־הָאֲדָמָה וֵאלֹהֵיהֶם לֹא יַצִּילֵם מִיָּדֵנוּ:

ח וַאֲנַחְנוּ עַבְדֵי נְבוּכַדְנֶצַּר נְכַלֵּם כֻּלָּם כְּאִישׁ אֶחָד וְלֹא־יִתְיַצְּבוּ לִפְנֵי שַׁעֲטַת הַסּוּסִים אֲשֶׁר נִשְׁלַח לָבוֹא עֲלֵיהֶם:

ט כָּל־הַרְרֵיהֶם נַשְׁכִּיר מִדָּם וְכָל־שַׁדְמוֹתֵיהֶם יִמְלְאוּ פִגְרֵי מֵתֵיהֶם כִּי לֹא יַעַמְדוּ לְפָנֵינוּ וְכָל־הָעָם כָּלֹה יִכְלֶה:

י כִּי כֹה אָמַר נְבוּכַדְנֶצַּר מֶלֶךְ כָּל־הָאָרֶץ אַל־יִפֹּל דָּבָר מִכֹּל אֲשֶׁר דִּבַּרְתִּי:

יא וְאַתָּה אַכְיוֹר שְׂכִיר עַמּוֹנִי יַעַן כִּי הִתְנַבֵּאתָ הַיּוֹם לְבָשְׁתֶּךָ לֹא תִּרְאֶה פָּנַי עַד יוֹם הִנָּקְמִי בְּגֹרְשֵׁי מִצְרָיִם:

יב וְהָיָה בְּשׁוּבִי מֵרְדוֹף אַחֲרֵיהֶם וְנָפַלְתָּ בְּתוֹךְ חַלְלֵיהֶם בְּמַדְקְרוֹת חֶרֶב צְבָאִי:

יג וְעַתָּה אֲצַוֶּה אֶת־עֲבָדַי לַהֲבִיאֲךָ אֶל אַחַד הַמְּקוֹמוֹת עַל הֶהָרִים אֲשֶׁר נַעֲלֶה שָׁמָּה:

יד וְאִם תֹּאמַר בִּלְבָבְךָ כִּי לֹא־יִפְּלוּ תַחַת יָדִי גַּם פָּנֶיךָ לֹא־יִפּוֹלוּן כִּי לֹא־תָמוּת כִּי אִם עִמָּהֶם:

טו כֹּה דִּבַּרְתִּי אַף־אָנִי וּדְבָרַי לֹא יָשׁוּבוּ רֵיקָם:

טז וַיְצַו הֹלוֹפֶרְנֵשׂ אֶת־עֲבָדָיו אֲשֶׁר אִתּוֹ בָּאֹהֶל לִתְפֹּס אֶת אַכְיוֹר וְלַהֲבִיאֵהוּ אֶל־בְּתוּל לָתֵת אוֹתוֹ בְּיַד בְּנֵי־יִשְׂרָאֵל:

יז וַיֹּאחֲזוּ אוֹתוֹ וְיוֹלִיכוּהוּ מִחוּץ לַמַּחֲנֶה וַיַּעֲלוּהוּ מִן־הָעֲרָבָה אֶל אַחַד הֶהָרִים מְקוֹם בְּאֵרוֹת מַיִם מִתַּחַת לִבְתוּל:

יח וַיְהִי כִּרְאוֹת אַנְשֵׁי הָעִיר אוֹתָם מֵרֹאשׁ הָהָר וַיֵּצְאוּ מִן־הָעִיר וּקְלָעִים בְּיָדָם וַיְקַלְעוּ בַּאֲבָנִים לְעָצְרָם מֵעֲלוֹת אֲלֵיהֶם:

יט וַיִרְאוּ אַנְשֵׁי הֹלוֹפֶרְנֵשׂ וַיֵּרְדוּ מִן־הָהָר וַיֶאֶסְרוּ אֶת־אַכְיוֹר בַּחֲבָלִים וַיַּשְׁלִיכֻהוּ לְרֶגֶל הָהָר וַיָּשׁוּבוּ לַאֲדוֹנֵיהֶם:

כ וַיֵּרְדוּ בְּנֵי־יִשְׂרָאֵל אֵלָיו מִן־הָהָר וַיִּפַתְּחוּ אֶת־מוֹסְרוֹתָיו וַיְבִאֻהוּ הָעִירָה וַיַעֲמִידוּהוּ לִפְנֵי רָאשֵׁי הָעִיר:

כא וְרָאשֵׁי בְּתוּל הָיוּ בָּעֵת הַהִיא עֻזִּיָּה בֶּן־מִיכָה לְמַטֵּה שִׁמְעוֹן וְכַבְּרִי בֶּן־עָתְנִיאֵל וְכַרְמִי בֶּן־מַלְכִּיאֵל:

כב וַיִּקְרְאוּ לְכֹל זִקְנֵי הָעִיר וַיִּתְקַבְּצוּ כָּל־אַנְשֵׁי הָעִיר אֲנָשִׁים וְנָשִׁים וָטָף וַיַּעֲמִידוּ אֶת־אַכְיוֹר בְּקֶרֶב כָּל־הָעָם:

כג וַיִּשְׁאָלֵהוּ עֻזִּיָּה לֵאמֹר מַה־זֹּאת וְעַל־מַה־זֹּאת:

כד וַיְסַפֵּר לָהֶם אַכְיוֹר כֹּל אֲשֶׁר שָׁמַע מִפִּי הֹלוֹפֶרְנֵשׂ וְאַנְשֵׁי סוֹדוֹ וְאֵת אֲשֶׁר דִּבֶּר בְּצַוָּאר עָתָק נֶגֶד כָּל־בֵּית־יִשְׂרָאֵל:

כה וַיְהִי כְּכַלּוֹתוֹ לְדַבֵּר וַיִּפְּלוּ כָל־הָעָם עַל פְּנֵיהֶם וַיִתְפַּלְּלוּ אֶל יְיָ וַיֹּאמְרוּ:

כו אָנָּא יְיָ אֱלֹהֵי הַשָּׁמַיִם הַבִּיטָה וּרְאֵה אֶת־גְּאוֹן הָעָם הַלָּזֶה וְרַחֵם עַל שִׁפְלַת עַמְּךָ יִשְׂרָאֵל אֲשֶׁר לְךָ הִתְקַדָּשׁוּ:

כז וְאַחֲרֵי כֵן דִּבְּרוּ עַל לֵב אַכְיוֹר וַיְהַלְלוּ אוֹתוֹ וְעֻזִּיָּה אָסַף אוֹתוֹ אֶל בֵּיתוֹ וַיַּעַשׂ מִשְׁתֶּה לוֹ וּלְזִקְנֵי הָעָם:

כח וְכָל הַלַּיְלָה הַהוּא הִתְפַּלְּלוּ אֶל יְיָ לָתֵת לָהֶם יְשׁוּעָה וְרַחֲמִים:

תוכן העניינים

ספר יהודית

טוען…

אור ברסלב
תרומה

מקלידים לפחות שתי אותיות

מתעלם מניקוד ומכתיב מלא או חסר, ומבין גם לפי משמעות↑↓ מעבר · Enter פתיחה