ברכות · תפילת הדרך
יְהִי רָצוֹן מִלְּפָנֶֽיךָ, יהוה אֱלֹהֵֽינוּ וֵאלֹהֵי אֲבוֹתֵֽינוּ שֶׁתּוֹלִיכֵֽנוּ לְשָׁלוֹם, וְתַצְעִידֵֽנוּ לְשָׁלוֹם, וְתַדְרִיכֵֽנוּ לְשָׁלוֹם וְתַגִּיעֵֽנוּ לִמְחוֹז חֶפְצֵֽנוּ לְחַיִּים וּלְשִׂמְחָה וּלְשָׁלוֹם (וְתַחֲזִירֵֽנוּ לְבֵיתֵֽנוּ לְשָׁלוֹם) וְתַצִּילֵֽנוּ מִכַּף כָּל אוֹיֵב וְאוֹרֵב בַּדֶּֽרֶךְ וּמִכָּל מִינֵי פֻּרְעָנֻיּוֹת הַמִּתְרַגְּשׁוֹת לָבוֹא לָעוֹלָם וְתִשְׁלַח בְּרָכָה בְּמַעֲשֵׂה יָדֵֽינוּ וְתִתְּנֵֽנוּ לְחֵן וּלְחֶֽסֶד וּלְרַחֲמִים בְּעֵינֶֽיךָ וּבְעֵינֵי כָל רוֹאֵֽינוּ וְתִשְׁמַע קוֹל תַּחֲנוּנֵֽינוּ כִּי אֵל שׁוֹמֵֽעַ תְּפִלָּה וְתַחֲנוּן אָֽתָּה. בָּרוּךְ אַתָּה יהוה, שׁוֹמֵֽעַ תְּפִלָּה.
יהוה יִשְׁמָר־צֵאתְךָ וּבוֹאֶֽךָ, מֵעַתָּה וְעַד־עוֹלָם׃
וְיַעֲקֹב הָלַךְ לְדַרְכּוֹ, וַיִּפְגְּעוּ־בוֹ מַלְאֲכֵי אֱלֹהִים׃ וַיֹּֽאמֶר יַעֲקֹב כַּאֲשֶׁר רָאָם, מַחֲנֵה אֱלֹהִים זֶה וַיִּקְרָא שֵׁם־הַמָּקוֹם הַהוּא מַחֲנָֽיִם׃
יְבָרֶכְךָ יהוה וְיִשְׁמְרֶֽךָ׃ יָאֵר יהוה פָּנָיו אֵלֶֽיךָ וִיחֻנֶּֽךָּ׃ יִשָּׂא יהוה פָּנָיו אֵלֶֽיךָ וְיָשֵׂם לְךָ שָׁלוֹם׃
שִׁיר לַמַּעֲלוֹת, אֶשָּׂא עֵינַי אֶל־הֶהָרִים, מֵאַֽיִן יָבֹא עֶזְרִי׃ עֶזְרִי מֵעִם יהוה, עֹשֵׂה שָׁמַֽיִם וָאָֽרֶץ׃ אַל־יִתֵּן לַמּוֹט רַגְלֶֽךָ, אַל־יָנוּם שֹׁמְרֶֽךָ׃ הִנֵּה לֹא־יָנוּם וְלֹא יִישָׁן, שׁוֹמֵר יִשְׂרָאֵל׃ יהוה שֹׁמְרֶֽךָ, יהוה צִלְּךָ עַל־יַד יְמִינֶֽךָ׃ יוֹמָם הַשֶּֽׁמֶשׁ לֹא־יַכֶּֽכָּה, וְיָרֵֽחַ בַּלָּֽיְלָה׃ יהוה יִשְׁמָרְךָ מִכָּל־רָע, יִשְׁמֹר אֶת־נַפְשֶֽׁךָ׃ יהוה יִשְׁמָר־צֵאתְךָ וּבוֹאֶֽךָ, מֵעַתָּה וְעַד־עוֹלָם׃