אור ברסלב
תרגום תהלים פרק קלו

תרגום תהלים

פרק קלו

פרק קלה

א שַׁבַּחוּ קֳדָם יְיָ אֲרוּם טָב אֲרוּם לַעֲלַם טוּבֵיהּ:

ב שַׁבַּחוּ לֶאֱלָהֵי אֳלָהַיָא אֲרוּם לַעֲלַם טוּבֵיהּ:

ג שַׁבַּחוּ לְמָרֵי מָרַיָא אֲרוּם לַעֲלַם טוּבֵיהּ:

ד לַעֲבַד פְּרִישָׁן רַבְרְבָן בִּלְחוֹדֵיהּ אֲרוּם לַעֲלַם טוּבֵיהּ:

ה לַעֲבַד שְׁמַיָא בְּסוּכְלְתָנוּ אֲרוּם לַעֲלַם טוּבֵיהּ:

ו לְרָדֵיד אַרְעָא עֲלַוֵי דְמַיָא אֲרוּם לַעֲלַם טוּבֵיהּ:

ז לַעֲבַד נְהוֹרִין רַבְרְבִין אֲרוּם לַעֲלַם טוּבֵיהּ:

ח יַת שִׁמְשָׁא לְמִשְׁלַט בִּימָמָא אֲרוּם לַעֲלַם טוּבֵיהּ:

ט יַת סִיהֲרָא וְכוֹכְבַיָא לְמִשְׁלַט בְּלֵילְיָא אֲרוּם לַעֲלַם טוּבֵיהּ:

י לְמָחֵי מִצְרָאֵי בְּמַכְתָּשִׁין קְטַל אֲרוּם לַעֲלַם טוּבֵיהּ:

יא וְאַפֵּיק יִשְׂרָאֵל פָּרִיקִין מִבֵּינֵיהוֹן אֲרוּם לַעֲלַם טוּבֵיהּ:

יב בְּאַיְדָא תַּקִיפָא וּבִדְרַע מְרַמְמָא אֲרוּם לַעֲלַם טוּבֵיהּ:

יג לְצָלַח יַמָא דְסוּף לְצָלוּחָא אֲרוּם לַעֲלַם טוּבֵיהּ:

יד וְאַעְבַר יִשְׂרָאֵל בִּמְצִיעֵיהּ אֲרוּם לַעֲלַם טוּבֵיהּ:

טו וְשַׁנֵק פַּרְעֹה וְחֵילְוָתֵיהּ בְּיַמָא דְסוּף אֲרוּם לַעֲלַם טוּבֵיהּ:

טז לִמְהַלֵךְ עַמֵיהּ בְּמַדְבְּרָא אֲרוּם לַעֲלַם טוּבֵיהּ:

יז לְמָחֵי מַלְכִין רַבְרְבִין אֲרוּם לַעֲלַם טוּבֵיהּ:

יח וּקְטַל מַלְכִין גֵיוְתָנִין אֲרוּם לַעֲלַם טוּבֵיהּ:

יט לְסִיחוֹן מַלְכָּא אֱמוֹרָאָה אֲרוּם לַעֲלַם טוּבֵיהּ:

כ וּלְעוֹג מַלְכָּא דְמַתְנָן אֲרוּם לַעֲלַם טוּבֵיהּ:

כא וִיהַב אַרְעֲהוֹן לְאַחְסָנָא אֲרוּם לַעֲלַם טוּבֵיהּ:

כב אַחְסַנְתָּא לְיִשְׂרָאֵל עַבְדֵיהּ אֲרוּם לַעֲלַם טוּבֵיהּ:

כג בְּאִתְמַכְּכוּתָנָא דְכַר לָנָא קְיָמֵיהּ אֲרוּם לַעֲלַם טוּבֵיהּ:

כד וּפְרִיקָנָא מִן מְעִיקָנָא אֲרוּם לַעֲלַם טוּבֵיהּ:

כה דִיהַב מְזוֹנֵיהּ לְכָל בִּסְרָא אֲרוּם לַעֲלַם טוּבֵיהּ:

כו שַׁבַּחוּ לֵאלָהָא שְׁמַיָא אֲרוּם לַעֲלַם טוּבֵיהּ:

תוכן העניינים

תרגום תהלים

טוען…

אור ברסלב
תרומה

מקלידים לפחות שתי אותיות

מתעלם מניקוד ומכתיב מלא או חסר, ומבין גם לפי משמעות↑↓ מעבר · Enter פתיחה