פרק יג
א לְשַׁבָּחָא תּוּשְׁבַּחְתָּא לְדָוִד:
ב עַד אָן יְיָ תַּשְׁלִינַנִי לְעָלְמִין עַד אָן תִּטְמוֹר זִיו אַפָּךְ מִנִי:
ג עַד אָן אֲשַׁוֵי מִלְכָּא בְּנַפְשִׁי דְוָנָא בִּלְבָבִי יְמָם עַד אָן יִתְּרָם בְּעֵל דְבָבִי עֲלָי:
ד אִסְתַּכֵּל וְקַבֵּל צְלוֹתִי יְיָ אֱלָהִי אַנְהִיר עֵינַי בְּאוֹרַיַתָךְ דִלְמָא אֱחוֹב וְאֶדְמוּךְ עִם חַיָבֵי מוֹתָא:
ה דִלְמָא יֵימַר יִצְרָא בִישָׁא אַשְׁלַטְתֵּיהּ מְעִיקַי יְרַנֵנוּן מְטוּל אֶסְטֵי מֵאָרְחָתָךְ:
ו וַאֲנָא בְּטוּבָךְ אִתְרַחֲצֵית יְרַנֵן לְבָבִי בְּפוּרְקָנָךְ אֲשַׁבַּח קֳדָם יְיָ מְטוּל דִפְרִיעַ עֲלָי טָבְתָא: