פרק ג
א וְאִלֵין הֲווֹ בְּנֵי דָוִיד דְאִתְיְלִידוּ לֵיהּ בְּחֶבְרוֹן בּוּכְרָא אַמְנוֹן לַאֲחִינוֹעַם דְמִן יִזְרָעֵאל תִּנְיָנָא דָנִיאֵל הוּא כִלְאָב דְדַמְיָה כֻּלֵיהּ לְאַבָּא דִילֵיהּ לַאֲבִיגַיִל דְמִן כַּרְמְלָא:
ב תְּלִיתָי אַבְשָׁלוֹם (תְּלִיתָאֵי) בַר מַעֲכָה בְּרַת תַּלְמַי מַלְכָּא דִגְשׁוּר רְבִיעָאָה אֲדנִיָה בַר חַגִית:
ג חֲמִישָׁאָה שְׁפַטְיָה לַאֲבִיטָל שְׁתִיתָאָה יִתְרְעָם לְעֶגְלָה אִנְתְּתֵיהּ הִיא מִיכָל בְּרַת שָׁאוּל:
ד אֲשִׁתָּה אִתְיְלִידוּ לֵיהּ בְּחֶבְרוֹן וּמְלַךְ תַּמָן שְׁבַע שְׁנִין וַאֲשִׁתָּה יַרְחִין וּתְלָתִין וּתְלַת שְׁנִין מָלַךְ בִּירוּשָׁלָםִ:
ה וְאִלֵין אִתְיְלִידוּ לֵיהּ בִּירוּשְׁלֶם שִׁמְעָא וְשׁוֹבָב וְנָתָן וּשְׁלמה אַרְבַּעְתְּהוֹן לְבַת שׁוּעַ הִיא בַּת שֵׁבַע בְּרַת עַמִיאֵל:
ו וְיִבְחָר וֶאֱלִישָׁמָע וֶאֱלִיפֶלֶט:
ז וְנגַהּ וָנֶפֶג וְיָפִיעַ:
ח וֶאֱלִישָׁמָע וְאֶלְיָדָע וְאֱלִיפֶלֶט תִּשְׁעָא:
ט כֻּלְהוֹן בְּנֵי דָוִיד בַּר מִן בְּנֵי פִלַגְתִּין וְתָמָר אֲחַתְהוֹן:
י וּבְרֵיהּ דִשְׁלמה רְחַבְעָם אֲבִיָה בְרֵיהּ אָסָא בְרֵיהּ יְהוֹשָׁפָט בְּרֵיהּ:
יא יוֹרָם בְּרֵיהּ אֲחִזְיָהוּ בְרֵיהּ יוֹאָשׁ בְּרֵיהּ:
יב אֲמַצְיָהוּ בְרֵיהּ עֲזַרְיָה בְרֵיהּ יוֹתָם בְּרֵיהּ:
יג אָחָז בְּרֵיהּ חִזְקִיָהוּ בְרֵיהּ מְנַשֶׁה בְרֵיהּ:
יד אָמוֹן בְּרֵיהּ יאשִׁיָהוּ בְרֵיהּ:
טו וּבְנֵי יאשִׁיָהוּ בּוּכְרָא יוֹחָנָן תִנְיָנָא יְהוֹיָקִים תְּלִיתָאָה צִדְקִיָהוּ רְבִיעָאָה שַׁלוּם דִשְׁלֵימַת מַלְכוּתָא דְבֵית דָוִד בְּיוֹמוֹי:
טז וּבְנֵי יְהוֹיָקִים יְכָנְיָה בְּרֵיהּ צִדְקִיָה בְּרֵיהּ:
יז וּבְנֵי יְכָנְיָה אַסִר שְׁאַלְתִּיאֵל בְּרֵיהּ:
יח וּמַלְכִּירָם וּפְדָיָה וְשֶׁנְאַצַר יְקַמְיָה הוֹשָׁמָע וּנְדַבְיָה:
יט וּבְנֵי פְדָיָה זְרֻבָּבֶל וְשִׁמְעִי וּבַר זְרֻבָּבֶל מְשֻׁלָם וַחֲנָנְיָה וּשְׁלמִית אֲחַתְהוֹן:
כ וַחֲשׁוּבָה וָאהֶל וּבֶרֶכְיָה וַחֲסַרְיָה יוּשַׁב חֶסֶד חָמֵשׁ:
כא וּבְנֵי חֲנַנְיָה פְּלַטְיָה וִישַׁעְיָה וּבְנֵי רְפָיָה בְּנֵי אַרְנָן בְּנֵי עוֹבַדְיָה בְּנֵי שְׁכַנְיָה:
כב וּבְנֵי שְׁכַנְיָה שְׁמַעְיָה וּבְנֵי שְׁמַעְיָה חַטוּשׁ וְיִגְאָל וּבָרִיחַ וּנְעַרְיָה וְשָׁפָט אֲשִׁתָּה:
כג וּבְנֵי נְעַרְיָה אֶלְיוֹעֵינַי וְחִזְקִיָה וְעַזְרִיקָם תְּלָתָא:
כד וּבְנֵי אֶלְיוֹעֵינַי הוֹדַוְיָהוּ וְאֶלְיָשִׁיב וּפְלָיָה וְעַקוּב וְיוֹחָנָן וּדְלָיָה וַעֲנָנִי הוּא מַלְכָּא מְשִׁיחָא דְעָתִיד לְאִתְגְלָאָה כֻּלְהוֹן שַׁבְעָא: