אור ברסלב

ספר יהודית

פרק ג

פרק ב

א וְיִשְׁלְחוּ אֵלָיו מַלְאָכִים לִקְרֹא לוֹ לְשָׁלוֹם וַיֹּאמְרוּ:

ב עֲבָדִים אֲנַחְנוּ לַמֶּלֶךְ הָאַדִּיר נְבוּכַדְנֶצַּר:

ג הִנֵּה נָפַלְנוּ לְפָנֶיךָ אַרְצָה עֲשֵׂה עִמָּנוּ כַּאֲשֶׁר יִיטַב בְּעֵינֶיךָ:

ד כֹּל אֲשֶׁר לָנוּ לְךָ הוּא חַוֹּתֵינוּ וְעָרֵינוּ שָׂדֵינוּ וּמִקְנֵנוּ גְּדֵרוֹתֵינוּ וְאָהֳלֵנוּ לְפָנֶיךָ הֵם לַעֲשׂוֹת בָּהֶם כְּפִי אַוַּת נַפְשְׁךָ:

ה כָּל־הֶעָרִים וְיֹשְׁבֵיהֶם בְּיָדְךָ נִתָּנוּ בֹּא־נָא אֵלֵינוּ וּרְדֵה־בָנוּ כַּטּוֹב בְּעֵינֶיךָ:

ו וַיְהִי בְּדַבְּרָם אֵלָיו כַּדְּבָרִים הָאֵלֶּה וַיֵּרֶד עִם־חֵילוֹ מִן־הָהָר אֵלֵיהֶם אֶל מוּל שְׂפַת הַיָּם וַיִּתֵּן מִשְׁמָר בְּכָל עִיר מִבְצָר וְאֵת־מֵיטַב הָעָם בָּחַר לְאַנְשֵׁי צְבָאוֹ:

ז וְכָל הָאָרֶץ מִסָּבִיב בָּאוּ לִקְרָאתוֹ וַיַאַסְפֻהוּ בַחֲלִילִים וּבְתֻפִּים וּבִמְחֹלוֹת:

ח וְהוּא הִשְׁחִית כָּל־גְּבוּלֵי הָאָרֶץ וַיַּכְרֵת אֶת אֲשֵׁרֵיהֶם:

ט כִּי כֵן גָּמַר בְּלִבּוֹ לְהַשְׁמִיד כָּל־אֱלֹהֵי הָאֲרָצוֹת לְבַעֲבוּר כָּל־הָעַמִּים יִשְׁתַּחֲווּ לִנְבוּכַדְנֶצַּר וְכָל לָשׁוֹן תִּקְרָא בִשְׁמוֹ:

י מִשָּׁם נָסַע לִקְרַאת יִזְרְעֶאל קָרוֹב לְדוֹתָן נֹכַח הָרֵי הַמָּצוֹר אֲשֶׁר לִיהוּדָה:

יא וַיַּחַן אֶת־מַחֲנֵהוּ בֵּין יָגְבֳּהָה וּבֵין עִיר הַשִּׁטִּים וַיֵּשֶׁב שָׁם חוֹדֶשׁ יָמִים עַד הֵאָסֵף כָּל־רְכוּשׁ הַמַּחֲנוֹת:

תוכן העניינים

ספר יהודית

טוען…

אור ברסלב
תרומה

מקלידים לפחות שתי אותיות

מתעלם מניקוד ומכתיב מלא או חסר, ומבין גם לפי משמעות↑↓ מעבר · Enter פתיחה