ליום שלישי דעשי"ת · פרק ז
עג. ע"פ א"ב.
אֱלֹהֵֽינוּ וֵאלֹהֵי אֲבוֹתֵֽינוּ
יְרוּשָׁלַיִם אֶת־יְהֹוָה הַלְלִי דָּגוּל מֵרְבָבוֹת. הַדּוֹרֵשׁ מֵרֵאשִׁית אַחֲרִית בְּגֶשֶׁם נְדָבוֹת. בְּנוֹתַיִךְ כְּזָוִיּוֹת תַּבְנִית הֵיכָל מְחֻטָּבוֹת. פִּצְחוּ רַנְּנוּ יַחְדָּו חָרְבוֹת יְרוּשָׁלָיִם:
יְרוּשָׁלַיִם בְּנוּיָה כְּעִיר שֶׁחֻבְּרָה־לָהּ בִּתְיוֹם. אִישׁ־וְאִישׁ יֻלַּד־בָּהּ וְהוּא יְכוֹנְנֶהָ עֶלְיוֹן. יִסְפֹּר בִּכְתוֹב עַמִּים אָיֹם. זְכֹר יְהֹוָה לִבְנֵי אֱדוֹם אֵת יוֹם יְרוּשָׁלִָים:
יְרוּשָׁלַיִם גָּנוֹן וְהִצִּיל לִצְרִי וְתַעַל. לְחֻפַּת כָּבוֹד הֱיֵה־לָהּ, מוֹדֵד בְּשַׁעַל. לְגוֹנְנָהּ כְּצִפָּרִים עָפוֹת מִמַּעַל. כֵּן יָגֵן יְהֹוָה צְבָאוֹת עַל יְרוּשָׁלָיִם:
יְרוּשָׁלַיִם דּוֹרֵשׁ אֵין־לָךְ שִׁכָחוּךְ אוֹהֲבַיִךְ אוֹתְךָ לֹא יִדְרֹשׁוּ וּבָטְלוּ יוֹעֲצַיִךְ יֵאָמֵן־נָא דְּבָרְךָ וְאָשִׁיבָה שׁוֹפְטַיִךְ. כִּי מִי יַחְמֹל עָלַיִךְ יְרוּשָׁלָיִם:
יְרוּשָׁלַים הָרִים סָבִיב לָהּ עוֹמְדִים כַּחוֹמוֹת. וַיְהֹוָה סָבִיב לְעַמּוֹ יוֹסֵד הֲדוֹמוֹת. עֲדִינָה תַפִּיל לְאֵין תְּקוּמוֹת. וְתִבְנֶה חוֹמוֹת יְרוּשָׁלָיִם:
יְרוּשָׁלַיִם וְעַמְּךָ לְחֶרְפָּה לְפַלָּצוּת וּבְעָתָה. חוֹמַת בַּת־צִיּוֹן הוֹרִידִי כַנַּחַל דִּמְעָתָה. עָרֵי קָדְשְׁךָ הָיוּ מִדְבָּר וּבְעָתָה. צִיּוֹן מִדְבָּר הָיָתָה וִירוּשָׁלָיִם:
יְרוּשָׁלַיִם זָכְרָה יְמֵי־עָנְיָהּ כִּי נִטְמֵאת. בַּסָּךְ לֹא־תוּכַל עוֹד לָבֹא וְלָצֵאת. וּמַדּוּעַ לֹא־תִרְאֶה נַחֲלָתְךָ הַנִּלְאֵית. עַד־מָתַי אַתָּה לֹא־תְרַחֵם אֶת־יְרוּשָׁלָיִם:
יְרוּשָׁלַיִם חֵטְא חָטְאָה עַל־כֵּן הָיְתָה לְנִדָּה. הוֹצֵא לָרְוָיָה הַיּוֹשֶׁבֶת בְּדוּדָה. אֵיכָכָה תוּכַל וְרָאִיתָ בְּאָבְדָהּ. וְעָרְבָה לַיהֹוָה מִנְחַת יְהוּדָה וִירוּשָׁלָיִם:
יְרוּשָׁלַיִם טֻמְאָתֵךְ עַד־מָתַי תָּלִין בְּקִרְבֵּךְ. כְּטָמֵא נֶחְשָׁבִים סָבֵךְ וְרָבֵךְ רֶשַׁע וְעָווֹן טָמוּן בְּחֻבֵּךְ. כַּבְּסִי מֵרָעָה לִבֵּךְ יְרוּשָׁלָיִם:
יְרוּשָׁלַיִם יִשְׁלָיוּ אוֹהֲבַיִךְ וְנִבְנוּ הֶחֳרָבוֹת. תַּחַת כִּי־נִתְקַלְּסוּ בָּךְ הָרְחוֹקוֹת וְהַקְּרוֹבוֹת. לְקַיֵּם חֲזוֹן יְשׁוּעוֹת טוֹבוֹת. עוֹד יֵשְׁבוּ זְקֵנִים וּזְקֵנוֹת בִּרְחֹבוֹת יְרוּשָׁלָיִם:
יְרוּשָׁלַיִם כִּסֵּא־יְהֹוָה תִּקָּרֵא לְעִתּוֹת הַבָּאוֹת. אֶת־הָאֶבֶן הָרֹאשָׁה חֵן־חֵן תְּשׁוּאוֹת בְּבֹא כָל יִשְׂרָאֵל לֵרָאוֹת. לְבַקֵּשׁ אֶת־יְהֹוָה צְבָאוֹת בִּירוּשָׁלָיִם:
יְרוּשָׁלַיִם לָבֶטַח תּוֹשִׁיב אֶרֶץ צְבִי. אֲשֶׁר בָּנֶיהָ עֻלְּפוּ וְהָלְכוּ בַּשֶּׁבִי. כַּנָּה תְּבִיאֶנָּה לְעִירָהּ כַּאֲשֶׁר־נָם נָבִיא. הִתְנַעֲרִי מֵעָפָר קוּמִי שְׁבִי יְרוּשָׁלָיִם:
יְרוּשָׁלַיִם מֵרֹב־אָדָם, פְּרָזוֹת תֵּשֵׁב יְשִׁיבָתֵךְ בַּיּוֹם הַהוּא תִּוָּשְׁעִי עַל־אַדְמָתֵךְ. עֲזוּבָה וּשְׂנוּאָה תַּחַת הֱיוֹתֵךְ לִבְשִׁי בִּגְדֵי תִפְאַרְתֵּךְ יְרוּשָׁלָיִם:
יְרוּשָׁלַיִם נוֹצְרִים בָּאוּ־לָךְ לְהָרִיב וּלְחַרְחֵר. הַצְּפוֹנִי גָרַם־לָךְ בְּהִשְׁתַּחֲווֹת לְאֵל אַחֵר. יִגְעַר יְהֹוָה בְּךָ הַשָּׂטָן הַבּוֹחֵר. וַיִּגְעַר יְהֹוָה בְּךָ הַבּוֹחֵר בִּירוּשָׁלָיִם:
יְרוּשָׁלַיִם שִׂמְחוּ אִתָּהּ כָּל־אוֹהֲבֶיהָ מִי־וָמִי. בְּנֵי יַעֲקֹב וְיוֹסֵף. וְאַל־תִּתְּנוּ דֳמִי עַד־יָשִׂים בֵּית אוּלָמִי. הִתְעוֹרְרִי הִתְעוֹרְרִי קוּמִי יְרוּשָׁלָיִם:
יְרוּשָׁלַיִם עִיר הַקֹּדֶשׁ רָוִית לַעַן. מַדּוּעַ כִּי־בָזִית מִצְווֹתָיו יַעַן וּבְיַעַן. עוֹד מַלְכֵּךְ יִהְיֶה־לָךְ לְמִשְׁעָן. לְמַעַן צִיּוֹן לֹא אֶחֱשֶׁה וּלְמַעַן יְרוּשָׁלָיִם:
יְרוּשָׁלַיִם פֶּן־תֵּקַע נַפְשִׁי מִמֵּךְ אָמַר עֶלְיוֹן. עוֹד יָבֹא וְיִמְלֹךְ וְיוֹאֵל בְּצִבְיוֹן. וְחָפְרָה הַלְּבָנָה וּבוֹשָׁה הַחַמָּה בְּכִהוּי רַאֲיוֹן. כִּי מָלַךְ יְהֹוָה צְבָאוֹת בְּהַר צִיּוֹן וּבִירוּשָׁלָיִם:
יְרוּשָׁלַיִם צַהֲלִי וָרֹנִּי לִצְבִי וּלְתִפְאֶרֶת. לִבְשִׁי עֻזֵּךְ וְלִבְשִׁי אַדֶּרֶת. פִּצְחִי רִנָּה וְצַהֲלִי כְּמַסּוֹרֶת. הָרִימִי בַכֹּחַ קוֹלֵךְ מְבַשֶּׂרֶת יְרוּשָׁלָיִם:
יְרוּשָׁלַיִם קֹדֶשׁ, זָרִים לֹא־יַעַבְרוּ עוֹד כּוֹס הַתַּרְעֵלָה לֹא־תוֹסִיפִי לִשְׁתּוֹתָהּ עוֹד. יְכוֹנֵן דְרָכַיִךְ וְקַרְסֻלֵּךְ לֹא יִמְעֹד. וְנִחַם יְהֹוָה אֶת־צִיּוֹן וּבָחַר עוֹד בִּירוּשָׁלָיִם:
יְרוּשָׁלַיִם רָנִּי וְשִׂמְחִי שִׁיר לְחַדֵּשׁ, וְהַר הַלְּבָנוֹן יִתְרוֹמֵם בְּגֹדֶשׁ. וְיָבֹא כָל־בָּשָׂר מִדֵּי־חֹדֶשׁ בְּחֹדֶשׁ. וְהִשְׁתַּחֲווּ לַיהֹוָה בְּהַר הַקֹּדֶשׁ בִּירוּשָׁלָיִם:
יְרוּשָׁלַיִם שְׁמָמָה וְעָרֶיהָ נִצְּתוּ בִּזְדוֹנַי. הַשְׁלֵךְ חַטֹּאתֶיהָ בִּמְצוּלוֹת זְדוֹנַי. וְהַעֲלֶהָ לְרֹאשׁ בִּזְכוּת אֵיתָנַי. וְנִקְווּ אֵלֶיהָ הַגּוֹיִם לְשֵׁם יְהֹוָה לִירוּשָׁלָיִם:
יְרוּשָׁלַיִם תְּהִלָּה בָּאָרֶץ תָּשִׂים בָּאִיִּים. אֶשְׁכָּר וָשַׁי יָבִיאוּ שְׁבָא וּסְבָא וְכוּשִׁיִּים. לְכָה לִישֻׁעָתָה לָּנוּ לְפִדְיוֹן שְׁבוּיִים. בַּיּוֹם הַהוּא יֵצְאוּ מַיִם־חַיִּים מִירוּשָׁלָיִם:
יְרוּשָׁלַיִם עַל־רֹאשׁ שִׂמְחָה תַּעֲלֶה בְּאוֹרֶךָ. לְהָשִׁיב מִשִּׁיר צִיּוֹן בְּשִׁיר דְּבִירֶךָ. נְקֵבָה תְּסוֹבֵב גֶּבֶר בְּפִי־בִּנְךָ בְּכוֹרֶךָ יָשָׁב־נָא אַפְּךָ וַחֲמָתְךָ מֵעִירְךָ יְרוּשָׁלָיִם:
אֵל מֶֽלֶךְ. יוֹשֵׁב עַל כִּסֵּא רַחֲמִים. מִתְנַהֵג בַּחֲסִידוּת. מוֹחֵל עֲוֹנוֹת עַמּוֹ. מַעֲבִיר רִאשׁוֹן רִאשׁוֹן. מַרְבֶּה מְחִילָה לְחַטָּאִים וּסְלִיחָה לְפוֹשְׁעִים. עוֹשֶׂה צְדָקוֹת עִם כָּל בָּשָׂר וָרֽוּחַ. לֹא כְרָעָתָם תִּגְמוֹל: אֵל הוֹרֵיתָ לָנוּ לוֹמַר שְׁלשׁ עֶשְׂרֵה. וּזְכָר לָֽנוּ הַיּוֹם בְּרִית שְׁלשׁ עֶשְׂרֵה. כְּמוֹ שֶׁהוֹדַֽעְתָּ לֶעָנָו מִקֶּֽדֶם. כְּמוֹ שֶׁכָּתוּב וַיֵּרֶד יְהֹוָה בֶּֽעָנָן וַיִּתְיַצֵּב עִמּוֹ שָׁם וַיִּקְרָא בְשֵׁם יְהֹוָה:
קהל וחזן:
וַיַּֽעֲבֹר יְהֹוָה עַל פָּנָיו וַיִּקְרָא:
יְהֹוָה יְהֹוָה אֵל רַחוּם וְחַנּוּן אֶֽרֶךְ אַפַּֽיִם וְרַב חֶֽסֶד וֶֽאֱמֶת: נֹצֵר חֶֽסֶד לָאֲלָפִים נֹשֵׂא עָוֹן וָפֶֽשַׁע וְחַטָּאָה וְנַקֵּה: וְסָלַחְתָּ לַעֲוֹנֵֽנוּ וּלְחַטָּאתֵֽנוּ וּנְחַלְתָּֽנוּ:
סְלַח לָֽנוּ אָבִֽינוּ כִּי חָטָֽאנוּ. מְחַל לָֽנוּ מַלְכֵּֽנוּ כִּי פָשָֽׁעְנוּ: כִּי אַתָּה אֲדֹנָי טוֹב וְסַלָּח וְרַב חֶֽסֶד לְכָל קֹרְאֶֽיךָ:
זִבְחֵי אֱלֹהִים רוּחַ נִשְׁבָּרָה לֵב־נִשְׁבָּר וְנִדְכֶּה אֱלֹהִים לֹא תִבְזֶה: אָז תַּחְפֹּץ זִבְחֵי־צֶדֶק עוֹלָה וְכָלִיל אָז יַעֲלוּ עַל־מִזְבַּחֲךָ פָרִים: וְחֶסֶד יְהוָה מֵעוֹלָם וְעַד־עוֹלָם עַל־יְרֵאָיו וְצִדְקָתוֹ לִבְנֵי בָנִים: וַיֹּאמֶר בִּי נִשְׁבַּעְתִּי נְאֻם־יְהוָה כִּי יַעַן אֲשֶׁר עָשִׂיתָ אֶת־הַדָּבָר הַזֶּה וְלֹא חָשַׂכְתָּ אֶת־בִּנְךָ אֶת־יְחִידֶךָ:
כְּרַחֵם אָב עַל בָּנִים כֵּן תְּרַחֵם יְהֹוָה עָלֵֽינוּ: לַיהֹוָה הַיְשׁוּעָה, עַל עַמְּךָ בִרְכָתֶֽךָ סֶּֽלָה: יְהֹוָה צְבָאוֹת עִמָּֽנוּ מִשְׂגָּב לָֽנוּ, אֱלֹהֵי יַעֲקֹב סֶֽלָה: יְהֹוָה צְבָאוֹת, אַשְׁרֵי אָדָם בֹּֽטֵֽחַ בָּךְ: יְהֹוָה הוֹשִֽׁיעָה, הַמֶּֽלֶךְ יַעֲנֵֽנוּ בְיוֹם קָרְאֵנוּ:
סְלַח נָא לַעֲוֹן הָעָם הַזֶּה, כְּגֹֽדֶל חַסְדֶּֽךָ. וְכַאֲשֶׁר נָשָֽׂאתָה לָעָם הַזֶּה. מִמִּצְרַֽיִם וְעַד הֵֽנָּה. וְשָׁם נֶאֱמַר:
וַיֹּאמֶר יְהֹוָה סָלַֽחְתִּי כִּדְבָרֶֽךָ:
הַטֵּה אֱלֹהַי אָזְנְךָ וּשְׁמָע, פְּקַח עֵינֶֽיךָ וּרְאֵה שֹׁמְמֹתֵֽינוּ, וְהָעִיר אֲשֶׁר נִקְרָא שִׁמְךָ עָלֶֽיהָ כִּי לֹא עַל צִדְקֹתֵֽינוּ, אֲנַֽחְנוּ מַפִּילִים תַּחֲנוּנֵֽינוּ לְפָנֶֽיךָ, כִּי עַל רַחֲמֶֽיךָ הָרַבִּים: אֲדֹנָי שְׁמָֽעָה, אֲדֹנָי סְלָֽחָה, אֲדֹנָי הַקְשִֽׁיבָה וַעֲשֵׂה, אַל תְּאַחַר. לְמַעַנְךָ אֱלֹהַי, כִּי שִׁמְךָ נִקְרָא עַל עִירְךָ וְעַל עַמֶּֽךָ: