שבת · סדר הבדלה בבית
הִנֵּה אֵל יְשׁוּעָתִי אֶבְטַח, וְלֹא אֶפְחָד כִּי־עָזִּי וְזִמְרָת יָהּ יהוה, וַיְהִי־לִי לִישׁוּעָה׃ וּשְׁאַבְתֶּם־מַֽיִם בְּשָׂשׂוֹן, מִמַּעַיְנֵי הַיְשׁוּעָה׃ לַיהוה הַיְשׁוּעָה, עַל־עַמְּךָ בִרְכָתֶֽךָ סֶּֽלָה׃ יהוה צְבָאוֹת עִמָּֽנוּ, מִשְׂגָּב לָֽנוּ אֱלֹהֵי יַעֲקֹב סֶֽלָה׃ יהוה צְבָאוֹת, אַשְׁרֵי אָדָם בֹּטֵֽחַ בָּךְ׃ יהוה הוֹשִֽׁיעָה, הַמֶּֽלֶךְ יַעֲנֵֽנוּ בְיוֹם־קָרְאֵֽנוּ׃ לַיְּהוּדִים הָיְתָה אוֹרָה וְשִׂמְחָה וְשָׂשֹׂן וִיקָר׃ כֵּן תִּהְיֶה לָּֽנוּ. כּוֹס־יְשׁוּעוֹת אֶשָּׂא, וּבְשֵׁם יהוה אֶקְרָא׃
סַבְרִי מָרָנָן
בָּרוּךְ אַתָּה יהוה אֱלֹהֵֽינוּ מֶֽלֶךְ הָעוֹלָם, בּוֹרֵא פְּרִי הַגָּֽפֶן.
בָּרוּךְ אַתָּה יהוה אֱלֹהֵֽינוּ מֶֽלֶךְ הָעוֹלָם, בּוֹרֵא מִינֵי בְשָׂמִים.
בָּרוּךְ אַתָּה יהוה אֱלֹהֵֽינוּ מֶֽלֶךְ הָעוֹלָם, בּוֹרֵא מְאוֹרֵי הָאֵשׁ.
בָּרוּךְ אַתָּה יהוה אֱלֹהֵֽינוּ מֶֽלֶךְ הָעוֹלָם, הַמַּבְדִּיל בֵּין קֹֽדֶשׁ לְחֹל, בֵּין אוֹר לְחֹֽשֶׁךְ, בֵּין יִשְׂרָאֵל לָעַמִּים, בֵּין יוֹם הַשְּׁבִיעִי לְשֵֽׁשֶׁת יְמֵי הַמַּעֲשֶׂה. בָּרוּךְ אַתָּה יהוה, הַמַּבְדִּיל בֵּין קֹֽדֶשׁ לְחֹל.
בָּרוּךְ אַתָּה יהוה אֱלֹהֵֽינוּ מֶֽלֶךְ הָעוֹלָם אֲשֶׁר קִדְּשָֽׁנוּ בְּמִצְוֹתָיו וְצִוָּֽנוּ לֵישֵׁב בַּסֻּכָּה.
הַמַּבְדִּיל בֵּין קֹֽדֶשׁ לְחֹל, חַטֹּאתֵֽינוּ הוּא יִמְחֹל זַרְעֵֽנוּ וְכַסְפֵּֽנוּ יַרְבֶּה כַחוֹל וְכַכּוֹכָבִים בַּלָּֽיְלָה.
יוֹם פָּנָה כְּצֵל תֹּֽמֶר, אֶקְרָא לָאֵל עָלַי גּוֹמֵר אָמַר שֹׁמֵר, אָתָא בֹֽקֶר וְגַם־לָֽיְלָה:
צִדְקָתְךָ כְּהַר תָּבוֹר, עַל חֲטָאַי עָבוֹר תַּעֲבֹר כְּיוֹם אֶתְמוֹל כִּי יַעֲבֹר, וְאַשְׁמוּרָה בַלָּֽיְלָה:
חָלְפָה עוֹנַת מִנְחָתִי, מִי יִתֵּן מְנוּחָתִי יָגַֽעְתִּי בְּאַנְחָתִי, אַשְׂחֶה בְכָל־לָֽיְלָה:
קוֹלִי בַּל יֻנְטַל, פְּתַח לִי שַֽׁעַר הַמְנֻטָּל שֶׁרֹּאשִׁי נִמְלָא טָל, קְוֻצּוֹתַי רְסִֽיסֵי לָֽיְלָה:
הֵעָתֵר נוֹרָא וְאָיֹם, אֲשַׁוֵּֽעַ, תְּנָה פִדְיוֹם בְּנֶשֶׁף־בְּעֶֽרֶב יוֹם, בְּאִישׁוֹן לַֽיְלָה:
קְרָאתִֽיךָ יָהּ, הוֹשִׁיעֵֽנִי, אֹֽרַח חַיִּים תּוֹדִיעֵֽנִי מִדַּלָּה תְבַצְּעֵֽנִי, מִיּוֹם עַד לָֽיְלָה.
טַהֵר טִנּוּף מַעֲשַׂי, פֶּן יֹאמְרוּ מַכְעִיסַי אַיֵּה אֱלֽוֹהַּ עֹשָׂי, נֹתֵן זְמִרוֹת בַּלָּֽיְלָה:
נַֽחְנוּ בְיָדְךָ כַּחֹֽמֶר, סְלַח נָא עַל קַל וָחֹֽמֶר יוֹם לְיוֹם יַבִּֽיעַ אֹֽמֶר, וְלַֽיְלָה לְּלַֽיְלָה: