אור ברסלב

סידור קורן השלם; אשכנז

מעגל החיים

ברכות

סדר ברית מילה

בָּרוּךְ הַבָּא.

וַיְדַבֵּר יהוה אֶל־מֹשֶׁה לֵּאמֹר׃ פִּינְחָס בֶּן־אֶלְעָזָר בֶּן־אַהֲרֹן הַכֹּהֵן הֵשִׁיב אֶת־חֲמָתִי מֵעַל בְּנֵי־יִשְׂרָאֵל, בְּקַנְאוֹ אֶת־קִנְאָתִי בְּתוֹכָם, וְלֹא־כִלִּֽיתִי אֶת־בְּנֵי־יִשְׂרָאֵל בְּקִנְאָתִי׃ לָכֵן אֱמֹר, הִנְנִי נֹתֵן לוֹ אֶת־בְּרִיתִי שָׁלוֹם׃

המוהל: אַשְׁרֵי תִּבְחַר וּתְקָרֵב, יִשְׁכֹּן חֲצֵרֶֽיךָ

הקהל: נִשְׂבְּעָה בְּטוּב בֵּיתֶֽךָ, קְדֹשׁ הֵיכָלֶֽךָ׃

אִם־אֶשְׁכָּחֵךְ יְרוּשָׁלִָֽם, תִּשְׁכַּח יְמִינִי׃ תִּדְבַּק לְשׁוֹנִי לְחִכִּי אִם־לֹא אֶזְכְּרֵֽכִי, אִם־לֹא אַעֲלֶה אֶת־יְרוּשָׁלִַֽם עַל רֹאשׁ שִׂמְחָתִי׃

שְׁמַע יִשְׂרָאֵל, יהוה אֱלֹהֵֽינוּ, יהוה אֶחָד׃

יהוה מֶֽלֶךְ, יהוה מָלָךְ, יהוה יִמְלֹךְ לְעוֹלָם וָעֶד. אָנָּא יהוה הוֹשִֽׁיעָה נָּא אָנָּא יהוה הַצְלִיחָה נָא׃

זֶה הַכִּסֵּא שֶׁל אֵלִיָּֽהוּ הַנָּבִיא זָכוּר לַטּוֹב.

לִישׁוּעָתְךָ קִוִּֽיתִי יהוה׃ שִׂבַּֽרְתִּי לִישׁוּעָתְךָ יהוה, וּמִצְוֹתֶֽיךָ עָשִֽׂיתִי׃ אֵלִיָּֽהוּ מַלְאַךְ הַבְּרִית, הִנֵּה שֶׁלְּךָ לְפָנֶֽיךָ, עֲמֹד עַל יְמִינִי וְסָמְכֵֽנִי. שִׂבַּֽרְתִּי לִישׁוּעָתְךָ יהוה׃ שָׂשׂ אָנֹכִי עַל־אִמְרָתֶֽךָ, כְּמוֹצֵא שָׁלָל רָב׃ שָׁלוֹם רָב לְאֹהֲבֵי תוֹרָתֶֽךָ, וְאֵין־לָֽמוֹ מִכְשׁוֹל׃ אַשְׁרֵי תִּבְחַר וּתְקָרֵב, יִשְׁכֹּן חֲצֵרֶֽיךָ

נִשְׂבְּעָה בְּטוּב בֵּיתֶֽךָ, קְדֹשׁ הֵיכָלֶֽךָ׃

בָּרוּךְ אַתָּה יהוה אֱלֹהֵֽינוּ מֶֽלֶךְ הָעוֹלָם אֲשֶׁר קִדְּשָֽׁנוּ בְּמִצְוֹתָיו וְצִוָּֽנוּ עַל הַמִּילָה.

בָּרוּךְ אַתָּה יהוה אֱלֹהֵֽינוּ מֶֽלֶךְ הָעוֹלָם, אֲשֶׁר קִדְּשָֽׁנוּ בְּמִצְוֹתָיו וְצִוָּֽנוּ לְהַכְנִיסוֹ בִּבְרִיתוֹ שֶׁל אַבְרָהָם אָבִֽינוּ.

בָּרוּךְ אַתָּה יהוה אֱלֹהֵֽינוּ מֶֽלֶךְ הָעוֹלָם שֶׁהֶחֱיָֽנוּ וְקִיְּמָֽנוּ וְהִגִּיעָֽנוּ לַזְּמַן הַזֶּה.

אָמֵן. כְּשֵׁם שֶׁנִּכְנַס לַבְּרִית, כֵּן יִכָּנֵס לְתוֹרָה וּלְחֻפָּה וּלְמַעֲשִׂים טוֹבִים.

בָּרוּךְ אַתָּה יהוה אֱלֹהֵֽינוּ מֶֽלֶךְ הָעוֹלָם, בּוֹרֵא פְּרִי הַגָּֽפֶן.

בָּרוּךְ אַתָּה יהוה אֱלֹהֵֽינוּ מֶֽלֶךְ הָעוֹלָם, אֲשֶׁר קִדַּשׁ יְדִיד מִבֶּֽטֶן, וְחֹק בִּשְׁאֵרוֹ שָׂם, וְצֶאֱצָאָיו חָתַם בְּאוֹת בְּרִית קֹֽדֶשׁ. עַל כֵּן בִּשְׂכַר זֹאת, אֵל חַי חֶלְקֵֽנוּ צוּרֵֽנוּ צִוָּה לְהַצִּיל יְדִידוּת שְׁאֵרֵֽנוּ מִשַּֽׁחַת, לְמַֽעַן בְּרִיתוֹ אֲשֶׁר שָׂם בִּבְשָׂרֵֽנוּ. בָּרוּךְ אַתָּה יהוה, כּוֹרֵת הַבְּרִית.

אֱלֹהֵֽינוּ וֵאלֹהֵי אֲבוֹתֵֽינוּ, קַיֵּם אֶת הַיֶּֽלֶד הַזֶּה לְאָבִיו וּלְאִמּוֹ, וְיִקָּרֵא שְׁמוֹ בְּיִשְׂרָאֵל (פלוני בֶּן פלוני). יִשְׂמַח הָאָב בְּיוֹצֵא חֲלָצָיו וְתָגֵל אִמּוֹ בִּפְרִי בִטְנָהּ, כַּכָּתוּב: יִשְׂמַח־אָבִֽיךָ וְאִמֶּֽךָ, וְתָגֵל יוֹלַדְתֶּֽךָ׃ וְנֶאֱמַר: וָאֶעֱבֹר עָלַֽיִךְ וָאֶרְאֵךְ מִתְבּוֹסֶֽסֶת בְּדָמָֽיִךְ, וָאֹֽמַר לָךְ בְּדָמַֽיִךְ חֲיִי, וָאֹֽמַר לָךְ בְּדָמַֽיִךְ חֲיִי׃

וְנֶאֱמַר: זָכַר לְעוֹלָם בְּרִיתוֹ, דָּבָר צִוָּה לְאֶֽלֶף דּוֹר׃ אֲשֶׁר כָּרַת אֶת־אַבְרָהָם, וּשְׁבוּעָתוֹ לְיִשְׂחָק׃ וַיַּעֲמִידֶֽהָ לְיַעֲקֹב לְחֹק, לְיִשְׂרָאֵל בְּרִית עוֹלָם׃ וְנֶאֱמַר: וַיָּֽמָל אַבְרָהָם אֶת־יִצְחָק בְּנוֹ בֶּן־שְׁמֹנַת יָמִים, כַּאֲשֶׁר צִוָּה אֹתוֹ אֱלֹהִים׃ הוֹדוּ לַיהוה כִּי־טוֹב, כִּי לְעוֹלָם חַסְדּוֹ׃

הוֹדוּ לַיהוה כִּי־טוֹב, כִּי לְעוֹלָם חַסְדּוֹ׃

(פלוני בֶּן פלוני) זֶה הַקָּטֹן גָּדוֹל יִהְיֶה, כְּשֵׁם שֶׁנִּכְנַס לַבְּרִית, כֵּן יִכָּנֵס לְתוֹרָה וּלְחֻפָּה וּלְמַעֲשִׂים טוֹבִים.

ברכת המזון לברית מילה

רַבּוֹתַי, נְבָרֵךְ. יְהִי שֵׁם יהוה מְבֹרָךְ מֵעַתָּה וְעַד־עוֹלָם׃ יְהִי שֵׁם יהוה מְבֹרָךְ מֵעַתָּה וְעַד־עוֹלָם׃

נוֹדֶה לְשִׁמְךָ בְּתוֹךְ אֱמוּנַי, בְּרוּכִים אַתֶּם לַיהוה.

בִּרְשׁוּת אֵל אָיֹם וְנוֹרָא מִשְׂגָּב לְעִתּוֹת בַּצָּרָה אֵל נֶאֱזָר בִּגְבוּרָה אַדִּיר בַּמָּרוֹם יהוה.

נוֹדֶה לְשִׁמְךָ בְּתוֹךְ אֱמוּנַי, בְּרוּכִים אַתֶּם לַיהוה.

בִּרְשׁוּת הַתּוֹרָה הַקְּדוֹשָׁה טְהוֹרָה הִיא וְגַם פְּרוּשָׁה צִוָּה לָֽנוּ מוֹרָשָׁה מֹשֶׁה עֶֽבֶד יהוה.

נוֹדֶה לְשִׁמְךָ בְּתוֹךְ אֱמוּנַי, בְּרוּכִים אַתֶּם לַיהוה.

בִּרְשׁוּת הַכֹּהֲנִים וְהַלְוִיִּם אֶקְרָא לֵאלֹהֵי הָעִבְרִיִּים אֲהוֹדֶֽנּוּ בְּכָל אִיִּים אֲבָרְכָה אֶת יהוה.

נוֹדֶה לְשִׁמְךָ בְּתוֹךְ אֱמוּנַי, בְּרוּכִים אַתֶּם לַיהוה.

בִּרְשׁוּת מָרָנָן וְרַבָּנָן וְרַבּוֹתַי אֶפְתְּחָה בְּשִׁיר פִּי וּשְׂפָתַי וְתֹאמַֽרְנָה עַצְמוֹתַי בָּרוּךְ הַבָּא בְּשֵׁם יהוה.

נוֹדֶה לְשִׁמְךָ בְּתוֹךְ אֱמוּנַי, בְּרוּכִים אַתֶּם לַיהוה.

בִּרְשׁוּת מָרָנָן וְרַבָּנָן וְרַבּוֹתַי נְבָרֵךְ (אֱלֹהֵֽינוּ) שֶׁאָכַֽלְנוּ מִשֶּׁלּוֹ. בָּרוּךְ (אֱלֹהֵֽינוּ) שֶׁאָכַֽלְנוּ מִשֶּׁלּוֹ וּבְטוּבוֹ חָיִֽינוּ. בָּרוּךְ (אֱלֹהֵֽינוּ) שֶׁאָכַֽלְנוּ מִשֶּׁלּוֹ וּבְטוּבוֹ חָיִֽינוּ. בָּרוּךְ הוּא וּבָרוּךְ שְׁמוֹ.

הָרַחֲמָן הוּא יְבָרֵךְ אֲבִי הַיֶּֽלֶד וְאִמּוֹ וְיִזְכּוּ לְגַדְּלוֹ וּלְחַנְּכוֹ וּלְחַכְּמוֹ מִיּוֹם הַשְּׁמִינִי וָהָֽלְאָה יֵרָצֶה דָמוֹ וִיהִי יהוה אֱלֹהָיו עִמּוֹ.

הָרַחֲמָן הוּא יְבָרֵךְ בַּֽעַל בְּרִית הַמִּילָה אֲשֶׁר שָׂשׂ לַעֲשׂוֹת צֶֽדֶק בְּגִילָה וִישַׁלֵּם פָּעֳלוֹ וּמַשְׂכֻּרְתּוֹ כְּפוּלָה וְיִתְּנֵֽהוּ לְמַֽעְלָה לְמָֽעְלָה.

הָרַחֲמָן הוּא יְבָרֵךְ רַךְ הַנִּמּוֹל לִשְׁמוֹנָה וְיִהְיוּ יָדָיו וְלִבּוֹ לָאֵל אֱמוּנָה וְיִזְכֶּה לִרְאוֹת פְּנֵי הַשְּׁכִינָה שָׁלֹשׁ פְּעָמִים בַּשָּׁנָה.

הָרַחֲמָן הוּא יְבָרֵךְ הַמָּל בְּשַׂר הָעָרְלָה וּפָרַע וּמָצַץ דְּמֵי הַמִּילָה אִישׁ הַיָּרֵא וְרַךְ הַלֵּבָב עֲבוֹדָתוֹ פְּסוּלָה אִם שְׁלָשׁ אֵֽלֶּה לֹא יַעֲשֶׂה לָהּ.

הָרַחֲמָן הוּא יִשְׁלַח לָֽנוּ מְשִׁיחוֹ הוֹלֵךְ תָּמִים בִּזְכוּת חֲתַן לַמּוּלוֹת דָּמִים לְבַשֵּׂר בְּשׂוֹרוֹת טוֹבוֹת וְנִחוּמִים לְעַם אֶחָד מְפֻזָּר וּמְפֹרָד בֵּין הָעַמִּים.

הָרַחֲמָן הוּא יִשְׁלַח לָֽנוּ כֹּהֵן צֶֽדֶק אֲשֶׁר לֻקַּח לְעֵילֹם עַד הוּכַן כִּסְאוֹ כַּשֶּֽׁמֶשׁ וְיַהֲלֹם וַיָּֽלֶט פָּנָיו בְּאַדַּרְתּוֹ וַיִּגְלֹם בְּרִיתִי הָיְתָה אִתּוֹ הַחַיִּים וְהַשָּׁלוֹם.

סדר פדיון הבן

זֶה בְּנִי בְכוֹרִי הוּא פֶּֽטֶר רֶֽחֶם לְאִמּוֹ וְהַקָּדוֹשׁ בָּרוּךְ הוּא צִוָּה לִפְדּוֹתוֹ שֶׁנֶּאֱמַר וּפְדוּיָו מִבֶּן־חֹֽדֶשׁ תִּפְדֶּה, בְּעֶרְכְּךָ כֶּֽסֶף חֲמֵֽשֶׁת שְׁקָלִים בְּשֶֽׁקֶל הַקֹּֽדֶשׁ, עֶשְׂרִים גֵּרָה הוּא׃

וְנֶאֱמַר קַדֶּשׁ־לִי כָל־בְּכוֹר פֶּֽטֶר כָּל־רֶֽחֶם בִּבְנֵי יִשְׂרָאֵל בָּאָדָם וּבַבְּהֵמָה, לִי הוּא׃

מַאי בָּעֵית טְפֵי לִתֵּן לִי בִּנְךָ בְכוֹרְךָ שֶׁהוּא פֶּֽטֶר רֶֽחֶם לְאִמּוֹ אוֹ בָּעֵית לִפְדּוֹתוֹ בְּעַד חָמֵשׁ סְלָעִים כְּדִמְחַיַּבְתְּ מִדְּאוֹרַיְתָא.

חָפֵץ אֲנִי לִפְדּוֹת אֶת בְּנִי וְהֵילָךְ דְּמֵי פִדְיוֹנוֹ כְּדִמְחַיַּֽבְנָא מִדְּאוֹרַיְתָא.

בָּרוּךְ אַתָּה יהוה אֱלֹהֵֽינוּ מֶֽלֶךְ הָעוֹלָם אֲשֶׁר קִדְּשָֽׁנוּ בְּמִצְוֹתָיו וְצִוָּֽנוּ עַל פִּדְיוֹן הַבֵּן.

בָּרוּךְ אַתָּה יהוה אֱלֹהֵֽינוּ מֶֽלֶךְ הָעוֹלָם שֶׁהֶחֱיָֽנוּ וְקִיְּמָֽנוּ וְהִגִּיעָֽנוּ לַזְּמַן הַזֶּה.

בָּרוּךְ אַתָּה יהוה אֱלֹהֵֽינוּ מֶֽלֶךְ הָעוֹלָם, בּוֹרֵא פְּרִי הַגָּֽפֶן.

יְשִׂמְךָ אֱלֹהִים כְּאֶפְרַֽיִם וְכִמְנַשֶּׁה׃ יְבָרֶכְךָ יהוה וְיִשְׁמְרֶֽךָ׃ יָאֵר יהוה פָּנָיו אֵלֶֽיךָ וִיחֻנֶּֽךָּ׃ יִשָּׂא יהוה פָּנָיו אֵלֶֽיךָ וְיָשֵׂם לְךָ שָׁלוֹם׃ יהוה שֹׁמְרֶֽךָ, יהוה צִלְּךָ עַל־יַד יְמִינֶֽךָ׃ יהוה יִשְׁמָרְךָ מִכָּל־רָע, יִשְׁמֹר אֶת־נַפְשֶֽׁךָ׃ כִּי אֹֽרֶךְ יָמִים וּשְׁנוֹת חַיִּים וְשָׁלוֹם יוֹסִֽיפוּ לָךְ׃

סדר תפילה ליולדת

וַאֲנִי בְּרֹב חַסְדְּךָ אָבוֹא בֵיתֶֽךָ אֶשְׁתַּחֲוֶה אֶל־הֵיכַל־קָדְשְׁךָ בְּיִרְאָתֶֽךָ׃

אָהַֽבְתִּי, כִּי־יִשְׁמַע יהוה, אֶת־קוֹלִי תַּחֲנוּנָי׃ כִּי־הִטָּה אָזְנוֹ לִי, וּבְיָמַי אֶקְרָא׃ אֲפָפֽוּנִי חֶבְלֵי־מָֽוֶת, וּמְצָרֵי שְׁאוֹל מְצָאֽוּנִי, צָרָה וְיָגוֹן אֶמְצָא׃ וּבְשֵׁם־יהוה אֶקְרָא, אָנָּה יהוה מַלְּטָה נַפְשִׁי׃ חַנּוּן יהוה וְצַדִּיק, וֵאלֹהֵֽינוּ מְרַחֵם׃ שֹׁמֵר פְּתָאיִם יהוה, דַּלּוֹתִי וְלִי יְהוֹשִֽׁיעַ׃ שׁוּבִי נַפְשִׁי לִמְנוּחָֽיְכִי, כִּי־יהוה גָּמַל עָלָֽיְכִי׃ כִּי חִלַּֽצְתָּ נַפְשִׁי מִמָּֽוֶת, אֶת־עֵינִי מִן־דִּמְעָה, אֶת־רַגְלִי מִדֶּֽחִי׃ אֶתְהַלֵּךְ לִפְנֵי יהוה, בְּאַרְצוֹת הַחַיִּים׃ הֶאֱמַֽנְתִּי כִּי אֲדַבֵּר, אֲנִי עָנִֽיתִי מְאֹד׃ אֲנִי אָמַֽרְתִּי בְחָפְזִי, כָּל־הָאָדָם כֹּזֵב׃

מָה־אָשִׁיב לַיהוה, כָּל־תַּגְמוּלֽוֹהִי עָלָי׃ לְךָ־אֶזְבַּח זֶֽבַח תּוֹדָה, וּבְשֵׁם יהוה אֶקְרָא׃ נְדָרַי לַיהוה אֲשַׁלֵּם, נֶגְדָה־נָּא לְכָל־עַמּוֹ׃ בְּחַצְרוֹת בֵּית יהוה, בְּתוֹכֵֽכִי יְרוּשָׁלִָֽם, הַלְלוּיָהּ׃

בָּרוּךְ אַתָּה יהוה אֱלֹהֵֽינוּ מֶֽלֶךְ הָעוֹלָם הַגּוֹמֵל לְחַיָּבִים טוֹבוֹת, שֶׁגְּמָלַֽנִי כָּל טוֹב.

אָמֵן. מִי שֶׁגְּמָלֵךְ כָּל טוֹב, הוּא יִגְמְלֵךְ כָּל טוֹב, סֶֽלָה.

אָנָּא הָאֵל הַגָּדוֹל הַגִּבּוֹר וְהַנּוֹרָא, בְּרֹב חַסְדְּךָ אָבוֹא בֵיתֶֽךָ, לִזְבֹּֽחַ לְךָ זֶֽבַח תּוֹדָה עַל כָּל הַטּוֹבוֹת אֲשֶׁר גָּמַֽלְתָּ עָלָי. אֲפָפֽוּנִי חֲבָלִים וְצִירִים אֲחָזֽוּנִי, בַּצַּר לִי קָרָֽאתִי אֵלֶֽיךָ, וְשָׁמַֽעְתָּ מֵהֵיכָלְךָ קוֹלִי וְהָיִֽיתָ בְּעוֹזְרָי, רִפֵּֽאתָ לְכָל תַּחֲלוּאַי, עִטַּרְתַּֽנִי חֶֽסֶד וְרַחֲמִים, עַד הֵֽנָּה עֲזָרֽוּנִי רַחֲמֶֽיךָ, אָנָּא אַל תִּטְּשֵֽׁנִי לָנֶֽצַח. הוֹאֵל אֱלֽוֹהַּ, וּבָרֵךְ אֶת אֲמָתֶֽךָ, חֲזְִּקֵֽנִי וְאַמְּצֵֽנִי, אוֹתִי וְאֶת בַּעְלִי, וּנְגַדֵּל אֶת

הַיֶּֽלֶד אֲשֶׁר יֻלַּד לָֽנוּ, לְיִרְאָתְךָ וּלְעָבְדְּךָ בֶּאֱמֶת, וְלָלֶֽכֶת אֹֽרַח מֵישָׁרִים. שְׁמֹר אֶת הַיֶּֽלֶד הָרַךְ בְּכָל דְּרָכָיו, חָנֵּֽהוּ דֵּעָה בִּינָה וְהַשְׂכֵּל, וְתֵן חֶלְקוֹ בְּתוֹרָתֶֽךָ, וִיקַדֵּשׁ אֶת שִׁמְךָ הַגָּדוֹל, וְהָיָה לָֽנוּ לְמֵשִׁיב נֶֽפֶשׁ בִּימֵי שֵׂיבָתֵֽנוּ. וַאֲנִי תְפִלָּתִי־לְךָ יהוה עֵת רָצוֹן, אֱלֹהִים בְּרָב־חַסְדֶּֽךָ, עֲנֵֽנִי בֶּאֱמֶת יִשְׁעֶֽךָ:

הַיַּלְדָּה אֲשֶׁר יֻלְּדָה לָֽנוּ, לְיִרְאָתְךָ וּלְעָבְדְּךָ בֶּאֱמֶת, וְלָלֶֽכֶת אֹֽרַח מֵישָׁרִים. שְׁמֹר אֶת הַיַּלְדָּה הָרַכָּה בְּכָל דְּרָכֶֽיהָ, חָנֶּֽהָ דֵּעָה בִּינָה וְהַשְׂכֵּל, וְתֵן חֶלְקָהּ בְּתוֹרָתֶֽךָ, וּתְקַדֵּשׁ אֶת שִׁמְךָ הַגָּדוֹל, וְהָיְתָה לָֽנוּ לִמְשִׁיבַת נֶֽפֶשׁ בִּימֵי שֵׂיבָתֵֽנוּ. וַאֲנִי תְפִלָּתִי־לְךָ יהוה עֵת רָצוֹן, אֱלֹהִים בְּרָב־חַסְדֶּֽךָ, עֲנֵֽנִי בֶּאֱמֶת יִשְׁעֶֽךָ:

יְבָרֶכְךָ יהוה וְיִשְׁמְרֶֽךָ׃ יָאֵר יהוה פָּנָיו אֵלֶֽיךָ וִיחֻנֶּֽךָּ׃ יִשָּׂא יהוה פָּנָיו אֵלֶֽיךָ, וְיָשֵׂם לְךָ שָׁלוֹם׃

סדר זבד הבת

יוֹנָתִי בְּחַגְוֵי הַסֶּֽלַע, בְּסֵֽתֶר הַמַּדְרֵגָה הַרְאִֽינִי אֶת־מַרְאַֽיִךְ, הַשְׁמִיעִֽנִי אֶת־קוֹלֵךְ כִּי־קוֹלֵךְ עָרֵב וּמַרְאֵיךְ נָאוֶה׃

אַחַת הִיא יוֹנָתִי תַמָּתִי אַחַת הִיא לְאִמָּהּ, בָּרָה הִיא לְיוֹלַדְתָּהּ רָאֽוּהָ בָנוֹת וַיְאַשְּׁרֽוּהָ, מְלָכוֹת וּפִילַגְשִׁים וַיְהַלְלֽוּהָ׃

מִי שֶׁבֵּרַךְ אֲבוֹתֵֽינוּ אַבְרָהָם יִצְחָק וְיַעֲקֹב מֹשֶׁה וְאַהֲרֹן דָּוִד וּשְׁלֹמֹה, שָׂרָה רִבְקָה רָחֵל וְלֵאָה הוּא יְבָרֵךְ אֶת הָאִשָּׁה הַיּוֹלֶֽדֶת (פלונית בַּת פלונית)

וְאֶת בִּתָּהּ (פלונית בַּת פלוני) שֶׁנּוֹלְדָה לָהּ בְּמַזָּל טוֹב.

וְאֶת בִּתָּהּ שֶׁנּוֹלְדָה לָהּ בְּמַזָּל טוֹב וְיִקָּרֵא שְׁמָהּ בְּיִשְׂרָאֵל (פלונית בַּת פלוני).

אָנָּא בָּרֵךְ אֶת אָבִֽיהָ וְאֶת אִמָּהּ וְיִזְכּוּ לְגַדְּלָהּ לְתוֹרָה וּלְחֻפָּה וּלְמַעֲשִׂים טוֹבִים, וְנֹאמַר אָמֵן.

יְשִׂמֵךְ אֱלֹהִים כְּשָׂרָה רִבְקָה רָחֵל וְלֵאָה. יְבָרֶכְךָ יהוה וְיִשְׁמְרֶֽךָ׃ יָאֵר יהוה פָּנָיו אֵלֶֽיךָ וִיחֻנֶּֽךָּ׃ יִשָּׂא יהוה פָּנָיו אֵלֶֽיךָ, וְיָשֵׂם לְךָ שָׁלוֹם׃

וִיהִי רָצוֹן מִלִּפְנֵי אָבִֽינוּ שֶׁבַּשָּׁמַֽיִם, שֶׁיִּתֵּן בְּלִבֵּךְ אַהֲבָתוֹ וְיִרְאָתוֹ וְתִהְיֶה יִרְאַת יהוה עַל פָּנַֽיִךְ כָּל יָמַֽיִךְ שֶׁלֹּא תֶחֱטָֽאִי וִיהִי חֶשְׁקֵךְ בַּתּוֹרָה וּבַמִּצְוֹת. עֵינַֽיִךְ לְנֹֽכַח יַבִּֽיטוּ, פִּיךְ יְדַבֵּר חָכְמוֹת וְלִבֵּךְ יֶהְגֶּה אֵימוֹת יָדַֽיִךְ יַעַסְקוּ בְמִצְוֹת וְרַגְלַֽיִךְ יָרֽוּצוּ לַעֲשׂוֹת רְצוֹן אָבִיךְ שֶׁבַּשָּׁמַֽיִם.

הָאֱלֹהִים אֲשֶׁר הִתְהַלְּכוּ אֲבֹתַי לְפָנָיו, אַבְרָהָם וְיִצְחָק הָאֱלֹהִים הָרֹעֶה אֹתִי, מֵעוֹדִי עַד־הַיּוֹם הַזֶּה׃ הַמַּלְאָךְ הַגֹּאֵל אֹתִי מִכָּל־רָע, יְבָרֵךְ אֶת־הַנְּעָרִים וְיִקָּרֵא בָהֶם שְׁמִי, וְשֵׁם אֲבֹתַי אַבְרָהָם וְיִצְחָק וְיִדְגּוּ לָרֹב בְּקֶֽרֶב הָאָֽרֶץ׃

אֲחֹתֵֽנוּ, אַתְּ הֲיִי לְאַלְפֵי רְבָבָה׃

סדר קידושין ונישואין

ברכות האירוסין

בָּרוּךְ אַתָּה יהוה אֱלֹהֵֽינוּ מֶֽלֶךְ הָעוֹלָם, בּוֹרֵא פְּרִי הַגָּֽפֶן.

בָּרוּךְ אַתָּה יהוה אֱלֹהֵֽינוּ מֶֽלֶךְ הָעוֹלָם, אֲשֶׁר קִדְּשָֽׁנוּ בְּמִצְוֹתָיו וְצִוָּֽנוּ עַל הָעֲרָיוֹת, וְאָסַר לָֽנוּ אֶת הָאֲרוּסוֹת, וְהִתִּיר לָֽנוּ אֶת הַנְּשׂוּאוֹת לָֽנוּ עַל יְדֵי חֻפָּה וְקִדּוּשִׁין. בָּרוּךְ אַתָּה יהוה, מְקַדֵּשׁ עַמּוֹ יִשְׂרָאֵל עַל יְדֵי חֻפָּה וְקִדּוּשִׁין.

הֲרֵי אַתְּ מְקֻדֶּֽשֶׁת לִי בְּטַבַּֽעַת זוֹ כְּדָת מֹשֶׁה וְיִשְׂרָאֵל.

שבע ברכות

בָּרוּךְ אַתָּה יהוה אֱלֹהֵֽינוּ מֶֽלֶךְ הָעוֹלָם, בּוֹרֵא פְּרִי הַגָּֽפֶן.

בָּרוּךְ אַתָּה יהוה אֱלֹהֵֽינוּ מֶֽלֶךְ הָעוֹלָם, שֶׁהַכֹּל בָּרָא לִכְבוֹדוֹ.

בָּרוּךְ אַתָּה יהוה אֱלֹהֵֽינוּ מֶֽלֶךְ הָעוֹלָם, יוֹצֵר הָאָדָם.

בָּרוּךְ אַתָּה יהוה אֱלֹהֵֽינוּ מֶֽלֶךְ הָעוֹלָם אֲשֶׁר יָצַר אֶת הָאָדָם בְּצַלְמוֹ, בְּצֶֽלֶם דְּמוּת תַּבְנִיתוֹ וְהִתְקִין לוֹ מִמֶּֽנּוּ בִּנְיַן עֲדֵי עַד. בָּרוּךְ אַתָּה יהוה, יוֹצֵר הָאָדָם.

שׂוֹשׂ תָּשִׂישׂ וְתָגֵל הָעֲקָרָה בְּקִבּוּץ בָּנֶֽיהָ לְתוֹכָהּ בְּשִׂמְחָה. בָּרוּךְ אַתָּה יהוה, מְשַׂמֵּֽחַ צִיּוֹן בְּבָנֶֽיהָ.

שַׂמֵּֽחַ תְּשַׂמַּח רֵעִים הָאֲהוּבִים כְּשַׂמֵּחֲךָ יְצִירְךָ בְּגַן עֵֽדֶן מִקֶּֽדֶם. בָּרוּךְ אַתָּה יהוה, מְשַׂמֵּֽחַ חָתָן וְכַלָּה.

בָּרוּךְ אַתָּה יהוה אֱלֹהֵֽינוּ מֶֽלֶךְ הָעוֹלָם אֲשֶׁר בָּרָא שָׂשׂוֹן וְשִׂמְחָה, חָתָן וְכַלָּה גִּילָה, רִנָּה, דִּיצָה וְחֶדְוָה, אַהֲבָה וְאַחֲוָה וְשָׁלוֹם וְרֵעוּת. מְהֵרָה יהוה אֱלֹהֵֽינוּ יִשָּׁמַע בְּעָרֵי יְהוּדָה וּבְחוּצוֹת יְרוּשָׁלַֽיִם קוֹל שָׂשׂוֹן וְקוֹל שִׂמְחָה, קוֹל חָתָן וְקוֹל כַּלָּה קוֹל מִצְהֲלוֹת חֲתָנִים מֵחֻפָּתָם וּנְעָרִים מִמִּשְׁתֵּה נְגִינָתָם. בָּרוּךְ אַתָּה יהוה, מְשַׂמֵּֽחַ הֶחָתָן עִם הַכַּלָּה.

אִם־אֶשְׁכָּחֵךְ יְרוּשָׁלִָֽם, תִּשְׁכַּח יְמִינִי׃ תִּדְבַּק לְשׁוֹנִי לְחִכִּי אִם־לֹא אֶזְכְּרֵֽכִי , אִם־לֹא אַעֲלֶה אֶת־יְרוּשָׁלִַֽם עַל רֹאשׁ שִׂמְחָתִי׃

זימון לסעודת שבע ברכות

רַבּוֹתַי, נְבָרֵךְ.

יְהִי שֵׁם יהוה מְבֹרָךְ מֵעַתָּה וְעַד־עוֹלָם׃

יְהִי שֵׁם יהוה מְבֹרָךְ מֵעַתָּה וְעַד־עוֹלָם׃

דְּוַי הָסֵר וְגַם חָרוֹן וְאָז אִלֵּם בְּשִׁיר יָרֹן. נְחֵֽנוּ בְמַעְגְּלֵי צֶֽדֶק שְׁעֵה בִּרְכַּת בְּנֵי אַהֲרֹן.

בִּרְשׁוּת (אָבִי מוֹרִי / אִמִּי מוֹרָתִי / כֹּהֲנִים / מוֹרֵֽנוּ הָרַב / בַּֽעַל הַבַּֽיִת הַזֶּה / בַּעֲלַת הַבַּֽיִת הַזֶּה) מָרָנָן וְרַבָּנָן וְרַבּוֹתַי נְבָרֵךְ אֱלֹהֵֽינוּ שֶׁהַשִּׂמְחָה בִמְעוֹנוֹ וְשֶׁאָכַֽלְנוּ מִשֶּׁלּוֹ.

בָּרוּךְ אֱלֹהֵֽינוּ שֶׁהַשִּׂמְחָה בִמְעוֹנוֹ, שֶׁאָכַֽלְנוּ מִשֶּׁלּוֹ וּבְטוּבוֹ חָיִֽינוּ.

בָּרוּךְ אֱלֹהֵֽינוּ שֶׁהַשִּׂמְחָה בִמְעוֹנוֹ, שֶׁאָכַֽלְנוּ מִשֶּׁלּוֹ וּבְטוּבוֹ חָיִֽינוּ. בָּרוּךְ הוּא וּבָרוּךְ שְׁמוֹ.

תפילה לחולה

מִזְמוֹר לְדָוִד, יהוה רֹעִי לֹא אֶחְסָר׃ בִּנְאוֹת דֶּֽשֶׁא יַרְבִּיצֵֽנִי, עַל־מֵי מְנֻחוֹת יְנַהֲלֵֽנִי׃ נַפְשִׁי יְשׁוֹבֵב, יַנְחֵֽנִי בְמַעְגְּלֵי־צֶֽדֶק לְמַֽעַן שְׁמוֹ׃ גַּם כִּי־אֵלֵךְ בְּגֵיא צַלְמָֽוֶת לֹא־אִירָא רָע, כִּי־אַתָּה עִמָּדִי, שִׁבְטְךָ וּמִשְׁעַנְתֶּֽךָ הֵֽמָּה יְנַחֲמֻֽנִי׃ תַּעֲרֹךְ לְפָנַי שֻׁלְחָן נֶֽגֶד צֹרְרָי, דִּשַּֽׁנְתָּ בַשֶּֽׁמֶן רֹאשִׁי, כּוֹסִי רְוָיָה׃ אַךְ טוֹב וָחֶֽסֶד יִרְדְּפֽוּנִי כָּל־יְמֵי חַיָּי, וְשַׁבְתִּי בְּבֵית־יהוה לְאֹֽרֶךְ יָמִים׃

לְדָוִד, בָּרְכִי נַפְשִׁי אֶת־יהוה, וְכָל־קְרָבַי אֶת־שֵׁם קָדְשׁוֹ׃ בָּרְכִי נַפְשִׁי אֶת־יהוה, וְאַל־תִּשְׁכְּחִי כָּל־גְּמוּלָיו׃ הַסֹּלֵֽחַ לְכָל־עֲוֹנֵֽכִי, הָרֹפֵא לְכָל־תַּחֲלוּאָֽיְכִי׃ הַגּוֹאֵל מִשַּֽׁחַת חַיָּֽיְכִי, הַמְעַטְּרֵֽכִי חֶֽסֶד וְרַחֲמִים׃ הַמַּשְׂבִּֽיעַ בַּטּוֹב עֶדְיֵךְ, תִּתְחַדֵּשׁ כַּנֶּֽשֶׁר נְעוּרָֽיְכִי׃ עֹשֵׂה צְדָקוֹת יהוה, וּמִשְׁפָּטִים לְכָל־עֲשׁוּקִים׃ יוֹדִֽיעַ דְּרָכָיו לְמֹשֶׁה, לִבְנֵי יִשְׂרָאֵל עֲלִילוֹתָיו׃ רַחוּם וְחַנּוּן יהוה, אֶֽרֶךְ אַפַּֽיִם וְרַב־חָֽסֶד׃ לֹא־לָנֶֽצַח יָרִיב, וְלֹא לְעוֹלָם יִטּוֹר׃ לֹא כַחֲטָאֵֽינוּ עָֽשָׂה לָֽנוּ, וְלֹא כַעֲוֹנֹתֵֽינוּ גָּמַל עָלֵֽינוּ׃ כִּי כִגְבֹֽהַּ שָׁמַֽיִם עַל־הָאָֽרֶץ, גָּבַר חַסְדּוֹ עַל־יְרֵאָיו׃ כִּרְחֹק מִזְרָח מִמַּעֲרָב, הִרְחִיק מִמֶּֽנּוּ אֶת־פְּשָׁעֵֽינוּ׃ כְּרַחֵם אָב עַל־בָּנִים, רִחַם יהוה עַל־יְרֵאָיו׃ כִּי־הוּא יָדַע יִצְרֵֽנוּ, זָכוּר כִּי־עָפָר אֲנָֽחְנוּ׃ אֱנוֹשׁ כֶּחָצִיר יָמָיו, כְּצִיץ הַשָּׂדֶה כֵּן יָצִיץ׃ כִּי רֽוּחַ עָבְרָה־בּוֹ וְאֵינֶֽנּוּ, וְלֹא־יַכִּירֶֽנּוּ עוֹד מְקוֹמוֹ׃ וְחֶֽסֶד יהוה מֵעוֹלָם וְעַד־עוֹלָם עַל־יְרֵאָיו, וְצִדְקָתוֹ לִבְנֵי בָנִים׃ לְשֹׁמְרֵי בְרִיתוֹ, וּלְזֹכְרֵי פִקֻּדָיו לַעֲשׂוֹתָם׃ יהוה בַּשָּׁמַֽיִם הֵכִין כִּסְאוֹ, וּמַלְכוּתוֹ בַּכֹּל מָשָֽׁלָה׃ בָּרְכוּ יהוה מַלְאָכָיו, גִּבֹּֽרֵי כֹֽחַ עֹשֵׂי דְבָרוֹ, לִשְׁמֹֽעַ בְּקוֹל דְּבָרוֹ׃ בָּרְכוּ יהוה כָּל־צְבָאָיו, מְשָׁרְתָיו עֹשֵׂי רְצוֹנוֹ׃ בָּרְכוּ יהוה כָּל־מַעֲשָׂיו, בְּכָל־מְקֹמוֹת מֶמְשַׁלְתּוֹ, בָּרְכִי נַפְשִׁי אֶת־יהוה׃

לַמְנַצֵּֽחַ לְדָוִד מִזְמוֹר, יהוה חֲקַרְתַּֽנִי וַתֵּדָע׃ אַתָּה יָדַֽעְתָּ שִׁבְתִּי וְקוּמִי, בַּֽנְתָּה לְרֵעִי מֵרָחוֹק׃ אָרְחִי וְרִבְעִי זֵרִֽיתָ, וְכָל־דְּרָכַי הִסְכַּֽנְתָּה׃ כִּי אֵין מִלָּה בִּלְשׁוֹנִי, הֵן יהוה יָדַֽעְתָּ כֻלָּהּ׃ אָחוֹר וָקֶֽדֶם צַרְתָּֽנִי, וַתָּֽשֶׁת עָלַי כַּפֶּֽכָה׃ פְּלִיאָה דַֽעַת מִמֶּֽנִּי, נִשְׂגְּבָה לֹא־אֽוּכַל לָהּ׃ אָנָה אֵלֵךְ מֵרוּחֶֽךָ, וְאָֽנָה מִפָּנֶֽיךָ אֶבְרָח׃ אִם־אֶסַּק שָׁמַֽיִם שָׁם אָֽתָּה, וְאַצִּֽיעָה שְּׁאוֹל הִנֶּֽךָּ׃ אֶשָּׂא כַנְפֵי־שָֽׁחַר, אֶשְׁכְּנָה בְּאַחֲרִית יָם׃ גַּם־שָׁם יָדְךָ תַנְחֵֽנִי, וְתֹאחֲזֵֽנִי יְמִינֶֽךָ׃ וָאֹמַר אַךְ־חֹֽשֶׁךְ יְשׁוּפֵֽנִי, וְלַֽיְלָה אוֹר בַּעֲדֵֽנִי׃ גַּם־חֹֽשֶׁךְ לֹא־יַחְשִׁיךְ מִמֶּֽךָּ, וְלַֽיְלָה כַּיּוֹם יָאִיר, כַּחֲשֵׁיכָה כָּאוֹרָה׃ כִּי־אַתָּה קָנִֽיתָ כִלְיֹתָי, תְּסֻכֵּֽנִי בְּבֶֽטֶן אִמִּי׃ אוֹדְךָ עַל כִּי נוֹרָאוֹת נִפְלֵֽיתִי, נִפְלָאִים מַעֲשֶֽׂיךָ, וְנַפְשִׁי יֹדַֽעַת מְאֹד׃ לֹא־נִכְחַד עָצְמִי מִמֶּֽךָּ, אֲשֶׁר־עֻשֵּֽׂיתִי בַסֵּֽתֶר, רֻקַּֽמְתִּי בְּתַחְתִּיּוֹת אָֽרֶץ׃ גָּלְמִי רָאוּ עֵינֶֽיךָ, וְעַל־סִפְרְךָ כֻּלָּם יִכָּתֵֽבוּ, יָמִים יֻצָּֽרוּ, וְלוֹ אֶחָד בָּהֶם׃ וְלִי מַה־יָּקְרוּ רֵעֶֽיךָ אֵל, מֶה עָצְמוּ רָאשֵׁיהֶם׃ אֶסְפְּרֵם מֵחוֹל יִרְבּוּן, הֱקִיצֹֽתִי וְעוֹדִי עִמָּךְ׃ אִם־תִּקְטֹל אֱלֽוֹהַּ רָשָׁע, וְאַנְשֵׁי דָמִים סֽוּרוּ מֶֽנִּי׃ אֲשֶׁר יֹמְרֽוּךָ לִמְזִמָּה, נָשׂוּא לַשָּׁוְא עָרֶֽיךָ׃ הֲלוֹא־מְשַׂנְאֶֽיךָ יהוה אֶשְׂנָא, וּבִתְקוֹמְמֶֽיךָ אֶתְקוֹטָט׃ תַּכְלִית שִׂנְאָה שְׂנֵאתִים, לְאֹיְבִים הָֽיוּ לִי׃ חָקְרֵֽנִי אֵל וְדַע לְבָבִי, בְּחָנֵֽנִי וְדַע שַׂרְעַפָּי׃ וּרְאֵה אִם־דֶּרֶךְ־עֹֽצֶב בִּי, וּנְחֵֽנִי בְּדֶֽרֶךְ עוֹלָם׃

תְּפִלָּה לְעָנִי כִי־יַעֲטֹף, וְלִפְנֵי יהוה יִשְׁפֹּךְ שִׂיחוֹ׃ יהוה שִׁמְעָה תְפִלָּתִי, וְשַׁוְעָתִי אֵלֶֽיךָ תָבוֹא׃ אַל־תַּסְתֵּר פָּנֶֽיךָ מִמֶּֽנִּי בְּיוֹם צַר לִי, הַטֵּה־אֵלַי אָזְנֶֽךָ, בְּיוֹם אֶקְרָא מַהֵר עֲנֵֽנִי׃

אָנָּא יהוה רוֹפֵא כָל בָּשָׂר, רַחֵם עָלַי, וּסְעָדֵֽנִי בְּחַסְדְּךָ הַגָּדוֹל עַל עֶֽרֶשׂ דְּוָי, כִּי אֻמְלַל אָֽנִי. שְׁלַח לִי תְּרוּפָה וּתְעָלָה, בְּתוֹךְ שְׁאָר חוֹלֵי יִשְׂרָאֵל. רְפָא אֶת מַכְאוֹבִי, וְחַדֵּשׁ כַּנֶּֽשֶׁר נְעוּרָי. תֵּן בִּינָה לָרוֹפֵא, וְיִגְהֶה מִמֶּֽנִּי מְזוֹרִי, וַאֲרוּכָתִי מְהֵרָה תִצְמָח. שְׁמַע תְּפִלָּתִי, וְהוֹסֵף יָמִים עַל יָמַי, וַאֲכַלֶּה שְׁנוֹתַי בַּנְּעִימִים, לְמַֽעַן אוּכַל לַעֲבֹד אוֹתְךָ, וְלִשְׁמֹר פִּקּוּדֶֽיךָ בְּלֵב שָׁלֵם. הֲבִינֵֽנִי וְאֵדְעָה, כִּי לִשְׁלוֹמִי מַר לִי מָר. וְאַל אֶמְאַס אֶת מוּסָרְךָ, וּבְתוֹכַחְתְּךָ אַל אָקוּץ.

אֱלֽוֹהַּ סְלִיחוֹת, חַנּוּן וְרַחוּם אֶֽרֶךְ אַפַּֽיִם וְרַב חָֽסֶד, מוֹדֶה אֲנִי לְפָנֶֽיךָ בְּלֵב נִשְׁבָּר וְנִדְכֶּה כִּי חָטָֽאתִי, וְהָרַע בְּעֵינֶֽיךָ עָשִֽׂיתִי. הִנֵּה נִחַֽמְתִּי עַל רָעָתִי, וָאָשׁוּב בִּתְשׁוּבָה שְׁלֵמָה לְפָנֶֽיךָ. עָזְרֵֽנִי אֱלֹהֵי יִשְׁעִי, וְלֹא אָשׁוּב לְכִסְלָה, וְאֶתְהַלֵּךְ לְפָנֶֽיךָ בֶּאֱמֶת וּבְתָמִים. שַׂמֵּֽחַ נֶֽפֶשׁ עַבְדֶּֽךָ, כִּי־אֵלֶֽיךָ אֲדֹנָי, נַפְשִׁי אֶשָּׂא׃ רְפָאֵֽנִי יהוה וְאֵרָפֵא, הוֹשִׁיעֵֽנִי וְאִוָּשֵֽׁעָה, כִּי תְהִלָּתִי אָֽתָּה: אָמֵן וְאָמֵן.

תפילה לעומד מחליו

אָנָּא הָאֵל הַגָּדוֹל הַגִּבּוֹר וְהַנּוֹרָא, בְּרֹב חַסְדְּךָ אָבוֹא לְפָנֶֽיךָ לְהוֹדוֹת לְךָ עַל כָּל הַטּוֹבוֹת אֲשֶׁר גָּמַֽלְתָּ עָלָי. מִן הַמֵּצַר קְרָאתִֽיךָ וַתַּעֲנֵֽנִי, מֵעֶֽרֶשׂ דְּוָי שִׁוַּֽעְתִּי אֵלֶֽיךָ, וַתִּשְׁמַע אֶת קוֹלִי תַּחֲנוּנָי. יַסֹּר יִסַּרְתַּֽנִי יָהּ, וְלַמָּֽוֶת לֹא נְתַתָּֽנִי. בְּאַהֲבָתְךָ וּבְחֶמְלָתְךָ הֶעֱלִֽיתָ מִן שְׁאוֹל נַפְשִׁי. כִּי רֶֽגַע בְּאַפְּךָ, חַיִּים בִּרְצוֹנְךָ, בָּעֶֽרֶב יָלִין בֶּֽכִי וְלַבֹּֽקֶר רִנָּה. חַי חַי הוּא יוֹדֶֽךָ, כָּמֽוֹנִי הַיּוֹם: וְנַפְשִׁי אֲשֶׁר פָּדִֽיתָ, תְּסַפֵּר נִפְלְאוֹתֶֽיךָ לִבְנֵי אָדָם. בָּרוּךְ אַתָּה, רוֹפֵא נֶאֱמָן לְכָל בָּשָׂר.

אֵל רַחוּם וְחַנּוּן, הַגּוֹמֵל לְחַיָּבִים טוֹבוֹת, קָטֹֽנְתִּי מִכֹּל הַחֲסָדִים אֲשֶׁר עָשִֽׂיתָ עִמָּדִי עַד הֵֽנָּה. אָנָּא טַהֵר לְבָבִי, וְזַכֵּֽנִי לָלֶֽכֶת בְּדֶֽרֶךְ יְשָׁרִים לְפָנֶֽיךָ, וּמְשֹׁךְ עֶזְרְךָ לְעַבְדֶּֽךָ. חַזְּקֵֽנִי וְאַמְּצֵֽנִי מֵרִפְיוֹן, וּבְחִלּוּץ עֲצָמוֹת תְּבָרְכֵֽנִי. הַרְחֵק מֵעָלַי כָּל צָרָה וְתוּגָה, שָׁמְרֵֽנִי מִכָּל רָע, וּבַעֲצָתְךָ תַנְחֵֽנִי. וְזָרְחָה לִי שֶֽׁמֶשׁ צְדָקָה, וּמַרְפֵּא בִּכְנָפֶֽיהָ. יִהְיוּ לְרָצוֹן אִמְרֵי־פִי וְהֶגְיוֹן לִבִּי לְפָנֶֽיךָ, יהוה צוּרִי וְגֹאֲלִי׃ אָמֵן.

וידוי שכיב מרע

מוֹדֶה אֲנִי לְפָנֶֽיךָ, יהוה אֱלֹהַי וֵאלֹהֵי אֲבוֹתַי, שֶׁרְפוּאָתִי וּמִיתָתִי בְּיָדֶֽךָ. יְהִי רָצוֹן מִלְּפָנֶֽיךָ, שֶׁתִּרְפָּאֵֽנִי רְפוּאָה שְׁלֵמָה, וְאִם אָמוּת, תְּהִי מִיתָתִי כַּפָּרָה עַל כָּל חֲטָאִים וַעֲוֹנוֹת וּפְשָׁעִים שֶׁחָטָֽאתִי וְשֶׁעָוִֽיתִי וְשֶׁפָּשַֽׁעְתִּי לְפָנֶֽיךָ. וְזַכֵּֽנִי לָעוֹלָם הַבָּא הַצָּפוּן לַצַּדִּיקִים. תּוֹדִיעֵֽנִי אֹֽרַח חַיִּים, שֹֽׂבַע שְׂמָחוֹת אֶת־פָּנֶֽיךָ, נְעִימוֹת בִּימִינְךָ נֶֽצַח׃

אֲבִי יְתוֹמִים וְדַיַּן אַלְמָנוֹת, הָגֵן בְּעַד קְרוֹבַי הַיְקָרִים, אֲשֶׁר נַפְשִׁי קְשׁוּרָה בְּנַפְשָׁם. בְּיָדְךָ אַפְקִיד רוּחִי, פָּדִֽיתָה אוֹתִי יהוה אֵל אֱמֶת׃ אָמֵן וְאָמֵן.

יהוה מֶֽלֶךְ, יהוה מָלָךְ, יהוה יִמְלֹךְ לְעוֹלָם וָעֶד.

בָּרוּךְ שֵׁם כְּבוֹד מַלְכוּתוֹ לְעוֹלָם וָעֶד.

יהוה הוּא הָאֱלֹהִים.

שְׁמַע יִשְׂרָאֵל, יהוה אֱלֹהֵֽינוּ, יהוה אֶחָד׃

לווית המת

עֲקַבְיָא בֶּן מַהֲלַלְאֵל אוֹמֵר: הִסְתַּכֵּל בִּשְׁלֹשָׁה דְבָרִים, וְאֵין אַתָּה בָא לִידֵי עֲבֵרָה. דַּע מֵאַֽיִן בָּֽאתָ, וּלְאָן אַתָּה הוֹלֵךְ, וְלִפְנֵי מִי אַתָּה עָתִיד לִתֵּן דִּין וְחֶשְׁבּוֹן. מֵאַֽיִן בָּֽאתָ, מִטִּפָּה סְרוּחָה. וּלְאָן אַתָּה הוֹלֵךְ, לִמְקוֹם עָפָר, רִמָּה וְתוֹלֵעָה. וְלִפְנֵי מִי אַתָּה עָתִיד לִתֵּן דִּין וְחֶשְׁבּוֹן, לִפְנֵי מֶֽלֶךְ מַלְכֵי הַמְּלָכִים, הַקָּדוֹשׁ בָּרוּךְ הוּא.

יֹשֵׁב בְּסֵֽתֶר עֶלְיוֹן, בְּצֵל שַׁדַּי יִתְלוֹנָן׃ אֹמַר לַיהוה מַחְסִי וּמְצוּדָתִי, אֱלֹהַי אֶבְטַח־בּוֹ׃ כִּי הוּא יַצִּילְךָ מִפַּח יָקוּשׁ, מִדֶּֽבֶר הַוּוֹת׃ בְּאֶבְרָתוֹ יָֽסֶךְ לָךְ, וְתַֽחַת־כְּנָפָיו תֶּחְסֶה, צִנָּה וְסֹחֵרָה אֲמִתּוֹ׃ לֹא־תִירָא מִפַּֽחַד לָֽיְלָה, מֵחֵץ יָעוּף יוֹמָם׃ מִדֶּֽבֶר בָּאֹֽפֶל יַהֲלֹךְ, מִקֶּֽטֶב יָשׁוּד צָהֳרָֽיִם׃ יִפֹּל מִצִּדְּךָ אֶֽלֶף, וּרְבָבָה מִימִינֶֽךָ, אֵלֶֽיךָ לֹא יִגָּשׁ׃ רַק בְּעֵינֶֽיךָ תַבִּיט, וְשִׁלֻּמַת רְשָׁעִים תִּרְאֶה׃ כִּי־אַתָּה יהוה מַחְסִי, עֶלְיוֹן שַֽׂמְתָּ מְעוֹנֶֽךָ׃ לֹא־תְאֻנֶּה אֵלֶֽיךָ רָעָה, וְנֶֽגַע לֹא־יִקְרַב בְּאָהֳלֶֽךָ׃ כִּי מַלְאָכָיו יְצַוֶּה־לָּךְ, לִשְׁמָרְךָ בְּכָל־דְּרָכֶֽיךָ׃ עַל־כַּפַּֽיִם יִשָּׂאֽוּנְךָ, פֶּן־תִּגֹּף בָּאֶֽבֶן רַגְלֶֽךָ׃ עַל־שַֽׁחַל וָפֶֽתֶן תִּדְרֹךְ, תִּרְמֹס כְּפִיר וְתַנִּין׃ כִּי בִי חָשַׁק וַאֲפַלְּטֵֽהוּ, אֲשַׂגְּבֵֽהוּ כִּי־יָדַע שְׁמִי׃ יִקְרָאֵֽנִי וְאֶעֱנֵֽהוּ, עִמּוֹ אָנֹכִי בְצָרָה, אֲחַלְּצֵֽהוּ וַאֲכַבְּדֵֽהוּ׃ אֹֽרֶךְ יָמִים אַשְׂבִּיעֵֽהוּ, וְאַרְאֵֽהוּ בִּישׁוּעָתִי׃ אֹֽרֶךְ יָמִים אַשְׂבִּיעֵֽהוּ, וְאַרְאֵֽהוּ בִּישׁוּעָתִי׃

צדוק הדין

הַצּוּר תָּמִים פָּעֳלוֹ, כִּי כָל־דְּרָכָיו מִשְׁפָּט אֵל אֱמוּנָה וְאֵין עָֽוֶל, צַדִּיק וְיָשָׁר הוּא:

הַצּוּר תָּמִים בְּכָל פֹּֽעַל, מִי יֹאמַר לוֹ מַה תִּפְעַל הַשַּׁלִּיט בְּמַֽטָּה וּבְמַֽעַל. מֵמִית וּמְחַיֶּה, מוֹרִיד שְׁאוֹל וַיָּֽעַל:

הַצּוּר תָּמִים בְּכָל מַעֲשֶׂה, מִי יֹאמַר לוֹ מַה תַּעֲשֶׂה הָאוֹמֵר וְעוֹשֶׂה, חֶֽסֶד חִנָּם לָֽנוּ תַעֲשֶׂה וּבִזְכוּת הַנֶּעֱקַד כְּשֶׂה, הַקְשִֽׁיבָה וַעֲשֵׂה.

צַדִּיק בְּכָל דְּרָכָיו הַצּוּר תָּמִים, אֶֽרֶךְ אַפַּֽיִם וּמָלֵא רַחֲמִים חֲמָל נָא וְחוּס נָא עַל אָבוֹת וּבָנִים כִּי לְךָ אָדוֹן הַסְּלִיחוֹת וְהָרַחֲמִים.

צַדִּיק אַתָּה יהוה לְהָמִית וּלְהַחֲיוֹת אֲשֶׁר בְּיָדְךָ פִּקְדוֹן כָּל רוּחוֹת, חָלִֽילָה לְּךָ זִכְרוֹנֵֽנוּ לִמְחוֹת וְיִהְיוּ נָא עֵינֶֽיךָ בְּרַחֲמִים עָלֵֽינוּ פְקוּחוֹת כִּי לְךָ אָדוֹן הָרַחֲמִים וְהַסְּלִיחוֹת.

אָדָם אִם בֶּן שָׁנָה יִהְיֶה, אוֹ אֶֽלֶף שָׁנִים יִחְיֶה מַה יִּתְרוֹן לּוֹ, כְּלֹא הָיָה יִהְיֶה בָּרוּךְ דַּיַּן הָאֱמֶת, מֵמִית וּמְחַיֶּה.

בָּרוּךְ הוּא כִּי אֱמֶת דִּינוֹ, וּמְשׁוֹטֵט הַכֹּל בְּעֵינוֹ וּמְשַׁלֵּם לְאָדָם חֶשְׁבּוֹנוֹ וְדִינוֹ, וְהַכֹּל לִשְׁמוֹ הוֹדָיָה יִתֵּֽנוּ.

יָדַֽעְנוּ יהוה כִּי צֶֽדֶק מִשְׁפָּטֶֽךָ, תִּצְדַּק בְּדָבְרֶֽךָ וְתִזְכֶּה בְשָׁפְטֶֽךָ וְאֵין לְהַרְהֵר אַחַר מִדַּת שָׁפְטֶֽךָ. צַדִּיק אַתָּה יהוה, וְיָשָׁר מִשְׁפָּטֶֽיךָ:

דַּיַּן אֱמֶת, שׁוֹפֵט צֶֽדֶק וֶאֱמֶת בָּרוּךְ דַּיַּן הָאֱמֶת, שֶׁכָּל מִשְׁפָּטָיו צֶֽדֶק וֶאֱמֶת.

נֶֽפֶשׁ כָּל חַי בְּיָדֶֽךָ, צֶֽדֶק מָלְאָה יְמִינְךָ וְיָדֶֽךָ רַחֵם עַל פְּלֵטַת צֹאן עֲבָדֶֽיךָ, וְתֹאמַר לַמַּלְאַךְ הֶֽרֶף יָדֶֽךָ.

גְּדֹל הָעֵצָה וְרַב הָעֲלִילִיָּה אֲשֶׁר־עֵינֶֽיךָ פְקֻחוֹת עַל־כָּל־דַּרְכֵי בְּנֵי אָדָם לָתֵת לְאִישׁ כִּדְרָכָיו, וְכִפְרִי מַעֲלָלָיו:

לְהַגִּיד כִּי־יָשָׁר יהוה, צוּרִי וְלֹא־עַוְלָֽתָה בּוֹ:

יהוה נָתַן וַיהוה לָקָח, יְהִי שֵׁם יהוה מְבֹרָךְ:

וְהוּא רַחוּם, יְכַפֵּר עָוֹן וְלֹא־יַשְׁחִית וְהִרְבָּה לְהָשִׁיב אַפּוֹ, וְלֹא־יָעִיר כָּל־חֲמָתוֹ:

אבל: יִתְגַּדַּל וְיִתְקַדַּשׁ שְׁמֵהּ רַבָּא (אָמֵן) בְּעָלְמָא דְהוּא עָתִיד לְאִתְחַדָּתָא וּלְאַחְיָאָה מֵתַיָּא, וּלְאַסָּקָא יָתְהוֹן לְחַיֵּי עָלְמָא וּלְמִבְנֵא קַרְתָּא דִירוּשְׁלֵם, וּלְשַׁכְלָלָא הֵיכְלֵהּ בְּגַוַהּ וּלְמֶעְקַר פָּלְחָנָא נֻכְרָאָה מֵאַרְעָא וְלַאֲתָבָא פָּלְחָנָא דִשְׁמַיָּא לְאַתְרֵהּ וְיַמְלִיךְ קֻדְשָׁא בְּרִיךְ הוּא בְּמַלְכוּתֵהּ וִיקָרֵהּ בְּחַיֵּיכוֹן וּבְיוֹמֵיכוֹן וּבְחַיֵּי דְּכָל בֵּית יִשְׂרָאֵל בַּעֲגָלָא וּבִזְמַן קָרִיב, וְאִמְרוּ אָמֵן. (אָמֵן)

קהל ואבל: יְהֵא שְׁמֵהּ רַבָּא מְבָרַךְ לְעָלַם וּלְעָלְמֵי עָלְמַיָּא.

אבל: יִתְבָּרַךְ וְיִשְׁתַּבַּח וְיִתְפָּאַר וְיִתְרוֹמַם וְיִתְנַשֵּׂא וְיִתְהַדָּר וְיִתְעַלֶּה וְיִתְהַלָּל שְׁמֵהּ דְּקֻדְשָׁא בְּרִיךְ הוּא (בְּרִיךְ הוּא) לְעֵֽלָּא מִן כָּל בִּרְכָתָא בעשרת ימי תשובה: לְעֵֽלָּא לְעֵֽלָּא מִכָּל בִּרְכָתָא/ וְשִׁירָתָא, תֻּשְׁבְּחָתָא וְנֶחֱמָתָא דַּאֲמִירָן בְּעָלְמָא, וְאִמְרוּ אָמֵן. (אָמֵן)

יְהֵא שְׁלָמָא רַבָּא מִן שְׁמַיָּא וְחַיִּים, עָלֵֽינוּ וְעַל כָּל יִשְׂרָאֵל, וְאִמְרוּ אָמֵן. (אָמֵן)

קהל: עֹשֶׂה שָׁלוֹם/בעשרת ימי תשובה: הַשָּׁלוֹם/ בִּמְרוֹמָיו הוּא יַעֲשֶׂה שָׁלוֹם, עָלֵֽינוּ וְעַל כָּל יִשְׂרָאֵל וְאִמְרוּ אָמֵן. (אָמֵן)

הַמָּקוֹם יְנַחֵם אוֹתְךָ/אוֹתָךְ/אֶתְכֶם בְּתוֹךְ שְׁאָר אֲבֵלֵי צִיּוֹן וִירוּשָׁלָֽיִם.

וְלֹא תוֹסִֽיפוּ לְדַאֲבָה עוֹד.

וְיָצִֽיצוּ מֵעִיר כְּעֵֽשֶׂב הָאָֽרֶץ:

זָכוּר כִּי־עָפָר אֲנָֽחְנוּ:

בִּלַּע הַמָּֽוֶת לָנֶֽצַח, וּמָחָה אֲדֹנָי יֱהֹוִה דִּמְעָה מֵעַל כָּל־פָּנִים, וְחֶרְפַּת עַמּוֹ יָסִיר מֵעַל כָּל־הָאָֽרֶץ, כִּי יהוה דִּבֵּר:

תפילה בבית האבל

לַמְנַצֵּֽחַ לִבְנֵי־קֹֽרַח מִזְמוֹר׃ שִׁמְעוּ־זֹאת כָּל־הָעַמִּים, הַאֲזִֽינוּ כָּל־יֹֽשְׁבֵי חָֽלֶד׃ גַּם־בְּנֵי אָדָם, גַּם־בְּנֵי־אִישׁ, יַֽחַד עָשִׁיר וְאֶבְיוֹן׃ פִּי יְדַבֵּר חָכְמוֹת, וְהָגוּת לִבִּי תְבוּנוֹת׃ אַטֶּה לְמָשָׁל אָזְנִי, אֶפְתַּח בְּכִנּוֹר חִידָתִי׃ לָֽמָּה אִירָא בִּֽימֵי רָע, עֲוֹן עֲקֵבַי יְסֻבֵּֽנִי׃ הַבֹּטְחִים עַל־חֵילָם, וּבְרֹב עָשְׁרָם יִתְהַלָּֽלוּ׃ אָח לֹא־פָדֹה יִפְדֶּה אִישׁ, לֹא־יִתֵּן לֵאלֹהִים כָּפְרוֹ׃ וְיֵקַר פִּדְיוֹן נַפְשָׁם, וְחָדַל לְעוֹלָם׃ וִיחִי־עוֹד לָנֶֽצַח, לֹא יִרְאֶה הַשָּֽׁחַת׃ כִּי יִרְאֶה חֲכָמִים יָמֽוּתוּ, יַֽחַד כְּסִיל וָבַֽעַר יֹאבֵֽדוּ, וְעָזְבוּ לַאֲחֵרִים חֵילָם׃ קִרְבָּם בָּתֵּֽימוֹ לְעוֹלָם, מִשְׁכְּנֹתָם לְדוֹר וָדֹר, קָרְאוּ בִשְׁמוֹתָם עֲלֵי אֲדָמוֹת׃ וְאָדָם בִּיקָר בַּל־יָלִין, נִמְשַׁל כַּבְּהֵמוֹת נִדְמוּ׃ זֶה דַרְכָּם, כֵּֽסֶל לָֽמוֹ, וְאַחֲרֵיהֶם בְּפִיהֶם יִרְצוּ סֶֽלָה׃ כַּצֹּאן לִשְׁאוֹל שַֽׁתּוּ, מָֽוֶת יִרְעֵם, וַיִּרְדּוּ בָם יְשָׁרִים לַבֹּֽקֶר, וְצוּרָם לְבַלּוֹת שְׁאוֹל מִזְּבֻל לוֹ׃ אַךְ־אֱלֹהִים יִפְדֶּה נַפְשִׁי מִיַּד שְׁאוֹל, כִּי יִקָּחֵֽנִי סֶֽלָה׃ אַל־תִּירָא כִּי־יַעֲשִׁר אִישׁ, כִּי־יִרְבֶּה כְּבוֹד בֵּיתוֹ׃ כִּי לֹא בְמוֹתוֹ יִקַּח הַכֹּל, לֹא־יֵרֵד אַחֲרָיו כְּבוֹדוֹ׃ כִּי־נַפְשׁוֹ בְּחַיָּיו יְבָרֵךְ, וְיוֹדֻֽךָ כִּי־תֵיטִיב לָךְ׃ תָּבוֹא עַד־דּוֹר אֲבוֹתָיו, עַד־נֵֽצַח לֹא יִרְאוּ־אוֹר׃ אָדָם בִּיקָר וְלֹא יָבִין, נִמְשַׁל כַּבְּהֵמוֹת נִדְמוּ׃

מִכְתָּם לְדָוִד, שָׁמְרֵֽנִי אֵל כִּי־חָסִֽיתִי בָךְ׃ אָמַרְתְּ לַיהוה, אֲדֹנָי אָֽתָּה, טוֹבָתִי בַּל־עָלֶֽיךָ׃ לִקְדוֹשִׁים אֲשֶׁר־בָּאָֽרֶץ הֵֽמָּה, וְאַדִּירֵי כָּל־חֶפְצִי־בָם׃ יִרְבּוּ עַצְּבוֹתָם אַחֵר מָהָֽרוּ, בַּל־אַסִּיךְ נִסְכֵּיהֶם מִדָּם, וּבַל־אֶשָּׂא אֶת־שְׁמוֹתָם עַל־שְׂפָתָי׃ יהוה, מְנָת־חֶלְקִי וְכוֹסִי, אַתָּה תּוֹמִיךְ גּוֹרָלִי׃ חֲבָלִים נָפְלוּ־לִי בַּנְּעִמִים, אַף־נַחֲלָת שָׁפְרָה עָלָי׃ אֲבָרֵךְ אֶת־יהוה אֲשֶׁר יְעָצָֽנִי, אַף־לֵילוֹת יִסְּרֽוּנִי כִלְיוֹתָי׃ שִׁוִּֽיתִי יהוה לְנֶגְדִּי תָמִיד, כִּי מִימִינִי בַּל־אֶמּוֹט׃ לָכֵן שָׂמַח לִבִּי וַיָּֽגֶל כְּבוֹדִי, אַף־בְּשָׂרִי יִשְׁכֹּן לָבֶֽטַח׃ כִּי לֹא־תַעֲזֹב נַפְשִׁי לִשְׁאוֹל, לֹא־תִתֵּן חֲסִידְךָ לִרְאוֹת שָֽׁחַת׃ תּוֹדִיעֵֽנִי אֹֽרַח חַיִּים, שֹֽׂבַע שְׂמָחוֹת אֶת־פָּנֶֽיךָ, נְעִמוֹת בִּימִינְךָ נֶֽצַח׃

אזכרה

אָנָּא יהוה מֶֽלֶךְ מָלֵא רַחֲמִים, אֱלֹהֵי הָרוּחוֹת לְכָל בָּשָׂר, אֲשֶׁר בְּיָדְךָ נַפְשׁוֹת הַחַיִּים וְהַמֵּתִים, אָנָּא קַבֵּל בְּחַסְדְּךָ הַגָּדוֹל אֶת נִשְׁמַת

(פלוני בֶּן פלוני) אֲשֶׁר נֶאֱסַף אֶל עַמָּיו. חוּס וַחֲמֹל עָלָיו, סְלַח וּמְחַל לְכָל פְּשָׁעָיו. כִּי אָדָם אֵין צַדִּיק בָּאָֽרֶץ, אֲשֶׁר יַעֲשֶׂה־טּוֹב וְלֹא יֶחֱטָא: זְכֹר לוֹ צִדְקָתוֹ אֲשֶׁר עָשָׂה, וִיהִי שְׂכָרוֹ אִתּוֹ, וּפְעֻלָּתוֹ לְפָנָיו. אָנָּא הַסְתֵּר אֶת נִשְׁמָתוֹ בְּצֵל כְּנָפֶֽיךָ, הוֹדִיעֵֽהוּ אֹֽרַח חַיִּים, שֹֽׂבַע שְׂמָחוֹת אֶת פָּנֶֽיךָ, נְעִימוֹת בִּימִינְךָ נֶֽצַח, וְתַשְׁפִּֽיעַ לוֹ מֵרֹב טוּב הַצָּפוּן לַצַּדִּיקִים.

(פלונית בַּת פלוני) אֲשֶׁר נֶאֶסְפָה אֶל עַמֶּֽיהָ. חוּס וַחֲמֹל עָלֶֽיהָ, סְלַח וּמְחַל לְכָל פְּשָׁעֶֽיהָ. כִּי אָדָם אֵין צַדִּיק בָּאָֽרֶץ, אֲשֶׁר יַעֲשֶׂה־טּוֹב וְלֹא יֶחֱטָא: זְכֹר לָהּ צִדְקָתָהּ אֲשֶׁר עָשְׂתָה, וִיהִי שְׂכָרָהּ אִתָּהּ, וּפְעֻלָּתָהּ לְפָנֶֽיהָ. אָנָּא הַסְתֵּר אֶת נִשְׁמָתָהּ בְּצֵל כְּנָפֶֽיךָ, הוֹדִיעֶֽהָ אֹֽרַח חַיִּים, שֹֽׂבַע שְׂמָחוֹת אֶת פָּנֶֽיךָ, נְעִימוֹת בִּימִינְךָ נֶֽצַח, וְתַשְׁפִּֽיעַ לָהּ מֵרֹב טוּב הַצָּפוּן לַצַּדִּיקִים.

(פלוני בֶּן פלוני) אֲשֶׁר נֶאֱסַף אֶל עַמָּיו. זְכֹר לוֹ צִדְקָתוֹ אֲשֶׁר עָשָׂה, וִיהִי שְׂכָרוֹ אִתּוֹ, וּפְעֻלָּתוֹ לְפָנָיו. אָנָּא הַסְתֵּר אֶת נִשְׁמָתוֹ בְּצֵל כְּנָפֶֽיךָ, הוֹדִיעֵֽהוּ אֹֽרַח חַיִּים, שֹֽׂבַע שְׂמָחוֹת אֶת פָּנֶֽיךָ, נְעִימוֹת בִּימִינְךָ נֶֽצַח, וְתַשְׁפִּֽיעַ לוֹ מֵרֹב טוּב הַצָּפוּן לַצַּדִּיקִים.

(פלונית בַּת פלוני) אֲשֶׁר נֶאֶסְפָה אֶל עַמֶּֽיהָ. זְכוֹר לָהּ צִדְקָתָהּ אֲשֶׁר עָשְׂתָה, וִיהִי שְׂכָרָהּ אִתָּהּ, וּפְעֻלָּתָהּ לְפָנֶֽיהָ. אָנָּא הַסְתֵּר אֶת נִשְׁמָתָהּ בְּצֵל כְּנָפֶֽיךָ, הוֹדִיעֶֽהָ אֹֽרַח חַיִּים, שֹֽׂבַע שְׂמָחוֹת אֶת פָּנֶֽיךָ, נְעִימוֹת בִּימִינְךָ נֶֽצַח, וְתַשְׁפִּֽיעַ לָהּ מֵרֹב טוּב הַצָּפוּן לַצַּדִּיקִים.

כְּמוֹ שֶׁכָּתוּב: מָה רַב טוּבְךָ אֲשֶׁר־צָפַֽנְתָּ לִּירֵאֶֽיךָ, פָּעַֽלְתָּ לַחוֹסִים בָּךְ נֶֽגֶד בְּנֵי אָדָם׃

אָנָּא יהוה, הָרוֹפֵא לִשְׁבוּרֵי לֵב וּמְחַבֵּשׁ לְעַצְּבוֹתָם, שַׁלֵּם נִחוּמִים לָאֲבֵלִים.

וּתְהִי פְּטִירַת הַיֶּֽלֶד הַזֶּה קֵץ לְכָל צָרָה וְצוּקָה לְאָבִיו וּלְאִמּוֹ.

וּתְהִי פְּטִירַת הַיַּלְדָּה הַזֹּאת קֵץ לְכָל צָרָה וְצוּקָה לְאָבִֽיהָ וּלְאִמָּהּ.

חַזְּקֵם וְאַמְּצֵם בְּיוֹם אֶבְלָם וִיגוֹנָם, וְזָכְרֵם (וּזְכֹר אֶת בְּנֵי בֵיתָם) לְחַיִּים טוֹבִים וַאֲרֻכִּים. תֵּן בְּלִבָּם יִרְאָתְךָ וְאַהֲבָתְךָ לְעָבְדְּךָ בְּלֵבָב שָׁלֵם, וּתְהִי אַחֲרִיתָם שָׁלוֹם, אָמֵן.

כְּאִישׁ אֲשֶׁר אִמּוֹ תְּנַחֲמֶֽנּוּ כֵּן אָנֹכִי אֲנַחֶמְכֶם וּבִירוּשָׁלִַֽם תְּנֻחָֽמוּ׃ לֹא־יָבוֹא עוֹד שִׁמְשֵׁךְ, וִירֵחֵךְ לֹא יֵאָסֵף כִּי יהוה יִהְיֶה־לָּךְ לְאוֹר עוֹלָם וְשָׁלְמוּ יְמֵי אֶבְלֵךְ׃ בִּלַּע הַמָּֽוֶת לָנֶֽצַח וּמָחָה אֲדֹנָי יֱהֹוִה דִּמְעָה מֵעַל כָּל־פָּנִים וְחֶרְפַּת עַמּוֹ יָסִיר מֵעַל כָּל־הָאָֽרֶץ כִּי יהוה דִּבֵּר׃

קדיש יתום

אבל: יִתְגַּדַּל וְיִתְקַדַּשׁ שְׁמֵהּ רַבָּא (אָמֵן) בְּעָלְמָא דְהוּא עָתִיד לְאִתְחַדָּתָא וּלְאַחְיָאָה מֵתַיָּא, וּלְאַסָּקָא יָתְהוֹן לְחַיֵּי עָלְמָא וּלְמִבְנֵא קַרְתָּא דִירוּשְׁלֵם, וּלְשַׁכְלָלָא הֵיכְלֵהּ בְּגַוַהּ וּלְמֶעְקַר פָּלְחָנָא נֻכְרָאָה מֵאַרְעָא וְלַאֲתָבָא פָּלְחָנָא דִשְׁמַיָּא לְאַתְרֵהּ וְיַמְלִיךְ קֻדְשָׁא בְּרִיךְ הוּא בְּמַלְכוּתֵהּ וִיקָרֵהּ בְּחַיֵּיכוֹן וּבְיוֹמֵיכוֹן וּבְחַיֵּי דְּכָל בֵּית יִשְׂרָאֵל בַּעֲגָלָא וּבִזְמַן קָרִיב, וְאִמְרוּ אָמֵן. (אָמֵן)

קהל ואבל: יְהֵא שְׁמֵהּ רַבָּא מְבָרַךְ לְעָלַם וּלְעָלְמֵי עָלְמַיָּא.

אבל: יִתְבָּרַךְ וְיִשְׁתַּבַּח וְיִתְפָּאַר וְיִתְרוֹמַם וְיִתְנַשֵּׂא וְיִתְהַדָּר וְיִתְעַלֶּה וְיִתְהַלָּל שְׁמֵהּ דְּקֻדְשָׁא בְּרִיךְ הוּא (בְּרִיךְ הוּא) לְעֵֽלָּא מִן כָּל בִּרְכָתָא בעשרת ימי תשובה: לְעֵֽלָּא לְעֵֽלָּא מִכָּל בִּרְכָתָא/ וְשִׁירָתָא, תֻּשְׁבְּחָתָא וְנֶחֱמָתָא דַּאֲמִירָן בְּעָלְמָא, וְאִמְרוּ אָמֵן. (אָמֵן)

יְהֵא שְׁלָמָא רַבָּא מִן שְׁמַיָּא וְחַיִּים, עָלֵֽינוּ וְעַל כָּל יִשְׂרָאֵל וְאִמְרוּ אָמֵן. (אָמֵן)

קהל: עֹשֶׂה שָׁלוֹם/בעשרת ימי תשובה: הַשָּׁלוֹם/ בִּמְרוֹמָיו הוּא יַעֲשֶׂה שָׁלוֹם עָלֵֽינוּ וְעַל כָּל יִשְׂרָאֵל וְאִמְרוּ אָמֵן. (אָמֵן)

ברכת המזון בבית האבל

רַבּוֹתַי, נְבָרֵךְ.

תוכן העניינים

סידור קורן השלם; אשכנז

טוען…

אור ברסלב
תרומה

מקלידים לפחות שתי אותיות

מתעלם מניקוד ומכתיב מלא או חסר, ומבין גם לפי משמעות↑↓ מעבר · Enter פתיחה