סידור ספרד לשבת· רבי אברהם דיוויס
מנחה לשבת ויום טוב · קרבנות
וַיְדַבֵּר יְהֹוָה אֶל־משֶׁה לֵּאמֹר:
וְעָשִֽׂיתָ כִּיּוֹר נְחֽשֶׁת
וְכַנּוֹ נְחֽשֶׁת לְרָחְצָה
וְנָתַתָּ אֹת֒וֹ
בֵּין־אֹֽהֶל מוֹעֵד וּבֵין הַמִּזְבֵּֽחַ
וְנָתַתָּ שָֽׁמָּה מָֽיִם:
וְרָחֲצוּ אַהֲרֹן וּבָנָיו מִמֶּֽנּוּ
אֶת־יְדֵיהֶם וְאֶת־רַגְלֵיהֶם:
בְּבֹאָם אֶל־אֹֽהֶל מוֹעֵד
יִרְחֲצוּ־מַֽיִם וְלֹא יָמֻֽתוּ
אוֹ בְגִשְׁתָּם אֶל־הַמִּזְבֵּֽחַ
לְשָׁרֵת לְהַקְטִיר אִשֶּׁה לַיהוֹה:
וְרָחֲצוּ יְדֵיהֶם וְרַגְלֵיהֶם
וְלֹא יָמֻֽתוּ
וְהָיְ֒תָה לָהֶם חָק־עוֹלָם
לוֹ וּלְ֒זַרְעוֹ
לְדֹרֹתָם: