ליל תשעה באב · אוי כי ירד אש
אין אומרים קינה זו במוצאי שבת
אוֹי כִּי יָרַד אֵשׁ מִן הַשָּׁמַיִם. לִירוּשָׁלַיִם. עֵינִי עֵינִי יוֹרְדָה מַּיִם:
טִירַת קֹדֶשׁ אֵיךְ נְשַׁמָּה. יוֹשֵׁב בַּשָּׁמַיִם עַד מָה. בַּת מֶלֶךְ אָמָה. הַקְּדֵשָׁה הִיא בָעֵינַיִם: לִירוּשָׁלַיִם. עֵינִי עֵינִי יוֹרְדָה מַּיִם:
יֶרַח אָב בּוֹ־שִֽׁמְשִׁי קָדַר. אַהֲרֹן הַכֹּהֵן בּוֹ נֶעְדָּר. וְגַם עִיר הֶהָדָר. בּוֹ חָֽרְבָה פַּעֲמָיִם: לִירוּשָׁלַיִם. עֵינִי עֵינִי יוֹרְדָה מַּיִם:
מָרָה הַלַּיְלָה הַזֶּה אָרִים. וַיְהִי לִבְכִי לֵיל שִׁמּוּרִים. וְאוֹתִי הֶחֱרִים. אֵל מוֹצִיאָם מִמִּצְרַיִם: לִירוּשָׁלַיִם. עֵינִי עֵינִי יוֹרְדָה מַּיִם:
(יִבָּקַע אוֹרִי יָהּ כַּשַּׁחַר. עַל רְשָׁעִים צוּר אַפּוֹ יִחַר. וּבְעַמּוֹ יִבְחַר. הַבּוֹחֵר בִּירוּשָׁלַיִם:)