מעשה שמשון· רבי משה חיים לוצאטו [הרמח"ל]
פלשתים ושחד בהיכלו.
שחד מַה-לָּכֶם פֹּה, כִּי בָאתֶם אֵלַי עָתָּה?
מֵה-תִּדְרֹשׁוּ מֶנִּי?
פלשתים אַךְ עַתָּה בָאנוּ
לשַׁחֵר פָּנֶיךָ, כִּי כֵן יָדָעְנוּ:
בִּלְעָדֶיךָ לֹא יָרִים אִישׁ נַפְשֵׁנוּ,
כִּי שָׁחָה עַד עָפָר וּמֵקִים אָיִן.
הִנֵּה יָדַעְנוּ כֹּחֲךָ כִּי יִרֶב,
זְרוֹעֲךָ הַנְּטוּיָה עָצֵמָה
עַל כָּל כַּנְפוֹת תֵּבֵל וְאַפְסֵי-אָרֶץ.
עַד חִקְרֵי לֵב, וְאִם עִוֵּר אַתָּה,
תַּבִּיט וּלְכָל אֲשֶׁר תַּחְפֹּץ תַּטֶּנּוּ.
עַתָּה לְבַד אֶת זֹאת נִדְרֹש מִמֶּךָּ:
אֲשֶׁר תָּבֹא אִתָּנוּ
לֶב-אֵשֶׁת שִׁמְשׁוֹן לְהַטּוֹת אֵלֵינוּ,
אֲשֶׁר הָפַךְ עַד כֹּה אֵלֵינוּ עֹרֶף.
שחד אַל תִּירָאוּ, אַל תִּפְחָדוּ! אָבֹאָה
וְדַרְכֵיכֶם אַצְלִיחַ,
עַתָּה נָקוּם נֵלֵכָה.