אור ברסלב
מחזור לראש השנה - אשכנז קריאת התורה › מפטיר

מחזור לראש השנה - אשכנז· רבי אברהם דיוויס

קריאת התורה · מפטיר

קריאה ליום שני של ראש השנה

וּבַחֹ֨דֶשׁ הַשְּׁבִיעִ֝י בְּאֶחָ֣ד לַחֹ֗דֶשׁ מִֽקְרָא־קֹ֨דֶשׁ֙ יִֽהְיֶ֣ה לָכֶ֔ם כָּל־מְלֶ֥אכֶת עֲבֹדָ֖ה לֹ֣א תַֽעֲשׂ֑וּ י֥וֹם תְּרוּעָ֖ה יִֽהְיֶ֥ה לָכֶֽם: וַֽעֲשִׂיתֶ֨ם עֹלָ֝ה לְרֵיחַ נִיחֹ֨חַ֙ לַֽיהֹוָ֔ה פַּ֧ר בֶּן־בָּקָ֛ר אֶחָ֖ד אַ֣יִל אֶחָ֑ד כְּבָשִׂ֧ים בְּנֵֽי־שָׁנָ֛ה שִׁבְעָ֖ה תְּמִימִֽם: וּמִ֨נְחָתָ֔ם סֹ֖לֶת בְּלוּלָ֣ה בַשָּׁ֑מֶן שְׁלשָׁה עֶשְׂרֹנִים֙ לַפָּ֔ר שְׁנֵ֥י עֶשְׂרֹנִ֖ים לָאָֽיִל: וְעִשָּׂר֣וֹן אֶחָ֔ד לַכֶּ֖בֶשׂ הָֽאֶחָ֑ד לְשִׁבְעַ֖ת הַכְּבָשִֽׂים: וּשְׂעִֽיר־עִזִּ֥ים אֶחָ֖ד חַטָּ֑את לְכַפֵּ֖ר עֲלֵיכֶֽם: מִלְּבַד֩ עֹלַ֨ת הַחֹ֝דֶשׁ וּמִנְחָתָ֗הּ וְעֹלַת הַתָּמִיד֙ וּמִנְחָתָ֔הּ וְנִסְכֵּיהֶ֖ם כְּמִשְׁפָּטָ֑ם לְרֵ֣יחַ נִיחֹ֔חַ אִשֶּׁ֖ה לַֽיהֹוָֽה:

וְזֹאת הַתּוֹרָה אֲשֶׁר שָׂם משֶׁה

לִפְנֵי בְּנֵי יִשְׂרָאֵל

עַל פִּי יְהֹוָה בְּיַד משֶׁה:

עֵץ חַיִּים הִיא

לַמַּחֲזִיקִים בָּהּ

וְתוֹמְכֶֽיהָ מְאֻשָּׁר:

דְּרָכֶֽיהָ דַּרְכֵי נֹֽעַם

וְכָל נְתִיבוֹתֶֽיהָ שָׁלוֹם:

אֹֽרֶךְ יָמִים בִּימִינָהּ

בִּשְׂמֹאלָהּ עֽשֶׁר וְכָבוֹד:

יְהֹוָה חָפֵץ

לְמַֽעַן צִדְקוֹ

יַגְדִּיל תּוֹרָה

וְיַאְדִּיר:

תוכן העניינים

מחזור לראש השנה - אשכנז

טוען…

אור ברסלב
תרומה

מקלידים לפחות שתי אותיות

מתעלם מניקוד ומכתיב מלא או חסר, ומבין גם לפי משמעות↑↓ מעבר · Enter פתיחה